OPPA韓國燒肉店

营业中

休息中

喺旺角做嘢做到夜，想揾啲嘢慰劳自己，咁啱见到韩烧九点半后八折入咗去食。气氛好好，似韩国街头小店，一条条抽气伸落嚟，少少怀旧、几warm。✦ 泡菜豆腐汤足料，好多豆腐、泡菜、配菜，味道浓郁，每啖嘅尾都有hint of泡菜嘅酸辣味。好开胃、惹味。 ✦ 和牛拼盘好睇又好食。木盘系牛嘅形状，载有美国上肩胛肉、美国牛小扒、美国下肩胛、日本A4背峰/上脑肉/牛肉眼、1++韩牛肉眼、澳洲和牛颈脊、澳洲和牛舌等。颜色鲜艳、牛味浓郁、纹理清晰、肉脂均匀。可以配搭生菜、夹泡菜入口，口感丰富。 ✦ 蜂蜜原浆米酒有特色，系韩国传统饮料。入口顺滑厚身，配搭蜂蜜后味道略甜。份量唔少，饮完好暖肚。 食晒咁多嘢都唔使五百，性价比甚高。