Seoulmate (京都廣場) (已結業)

<乌卒卒火山岩浆泡菜芝士炒饭，$148>火山饭好特别，个样仲好吸睛！打卡绝对一流！个火山系用蛋白打泡做成，上面有只生蛋，而入面就系芝士泡菜炒饭。成个概念好有创意，而且卖相好靓！除左个样好靓之外，个饭都唔错，不过就差少少芝士嘅味道。而且个蛋白嘅火山外壳我觉得麻麻。提一提返个饭比想像之中辣，怕辣嘅朋友就要留意。相反，好似我咁钟意食辣嘅就可以一试。<和牛煎太阳蛋汉堡配甜薯条，$128>呢个汉堡唔系韩国菜，但系整得都唔错。汉堡嘅两块面包都有先烘过，所以都带点香脆。入面嘅生菜同蕃茄都好多汁好新鲜，配埋芝士同和牛汉堡扒系唔错嘅。甜薯条都好好食，唔会炸到好油好腻，食落又甜又粉。<韩国荷兰宝宝班戟同雪糕，$62>最后呢个甜品对佢有少少失望，或者我地本身太大期望。食落好似整得过火，个pancake偏厚偏实，无好滑嘅感觉。但系配埋个雪糕、炼奶同花生酱都唔错。