炑八韓烤 (瓊華中心) (已結業)

出左粮, 就请阿爸阿妈食餐好少少既, 阿爸一向好食牛, 阿妈就钟意食海鲜, 所以就听朋友介绍一齐去试下呢间韩烧, 等老豆同老妈子试下D潮野, 唔洗下下去酒楼食咁闷。作为孝顺仔, 就好豪气咁叫左个龙虾套餐。睇下D龙虾几大粒, 仲要好爽口好新鲜, 劲快俾我地吞晒落肚。 不过好彩个套餐唔只龙虾正, 八爪鱼都好正, 同样弹牙, 但佢用在D韩式腌料腌过, 烧起上黎食更加惹味, 搞到我都爬多两啖饭。食住韩烧系有D热, 所以叫左杯新出ge梳打, 饮完系凉爽好多呀, 不过呢杯梳打除左够fresh, 仲要有魔法就系晓变色! 睇到我都呆一呆, 不过知道点解就原来都系D简单常识姐,哈哈。 想知点解就自己黎揾答案啦! 见父母都食得好开心, 豪少少都系值既。