炑八韓烤 (黃大仙中心南館)

营业中

休息中

餐厅位于黄大仙中心南馆地下，主打韩国烧烤，店内座位阔落，空间感十足，食完都唔会有阵味。Order完就送上经典韩式前菜，有萝卜、豆芽、海带、泡菜、薯仔蓉、沙律菜，炉旁边嘅芝士粟米同泡菜蛋浆都可以无限添加，个人钟意整到半溶状态就食，如果唔系都可以等到全熟。盐葱牛舌旨味套餐包括盐葱牛舌、牛五花肉、梨汁鸡腿肉、秘制酱油猪五花、葱蒜牛胸腹肉同芝士生蚝。牛舌薄身，咸香味出、牛五花肉同牛胸腹肉牛味香浓、鸡腿肉嫩滑多汁、猪五花肥瘦适中、芝士生蚝大粒饱满，各有千秋，点酱连同紫菜饭同生菜包住食都几过瘾。冬天当然唔少得饮返碗暖笠笠嘅韩国汤，薯仔牛肋骨汤热辣辣上枱，牛味突出，牛肋骨啖啖肉，将白饭落去变汤饭仲正。石头锅饭配料十足，如果想有饭焦嘅话建议放耐啲先好捞匀佢，上面铺满韩式配料，另外可以按个人喜好加入酱汁，唔辣，提味。饮品有姜橙同玫瑰佛手柑梳打，冻冰冰，甜度适中，十分解腻。