韓牛牧場 (已結業)

考完試，趁住阿媽放假，就同佢食餐好嘅慶祝～我哋好耐冇食韓燒，今次揀咗銅鑼灣永光中心3樓嘅韓燒～晚市$298一位連埋加一都係$300幾就可以任食兩個鐘～沙律吧自助沙律吧，有唔同款式嘅沙律菜🥗幾鍾意中華沙律，仲有三文魚豆腐湯，海帶湯等等～仲有生菜可以包住啲燒肉食～刺身盛合有六款唔同嘅刺身，包括三文魚🍣北寄貝，醬油蝦等等～全部都好新鮮，幾鍾意三文魚，食落啖啖肉，幾有鮮味～牛肉盛合呢度出名嘅就係牛肉，有一大盒唔同款式嘅牛肉部位，好似牛肩胛骨，牛舌肉等等～同樣咁新鮮！用光波爐燒一燒就有好多肉汁彈出嚟，食落感覺好Juicy,好好味😋豬肉有梅肉，豬頸肉，五花腩，豬脊骨等等～半肥瘦嘅燒肉配埋生菜包住食好滋味👍🏻串燒有雞軟骨等等嘅串燒～燒肉覺得幾香，食落幾好味😋椰汁流心球幾鍾意呢個甜品，外面係脆卜卜，煙煙韌韌嘅糯米皮，入邊包住椰汁西米露🥥熱辣辣流心嘅效果，而且幾香甜幾正餐廳職員嘅服務態度好好👍🏻幾值得幫襯～