漢拏山烤肉 (已結業)

韩疯~~真系疯狂咁中咗毒, 一星期梗有日要食韩国嘢, 今次已经系第3次嚟汉拏山烤肉啦, 每次都无令我失望, 净系个无限refill嘅前菜已令我咀巴停不了, 个酸萝卜好醒胃, 食得肉多再食件酸萝卜, 当堂感觉又有空间可以再食过 猪五花每次都必食, 烧到皮脆卜卜, 好香口, 肉味浓郁. 成块煲垫咁样嘅猪皮出场啦, 好彩系侍应帮我哋烧, D油好似烟花咏香江咁爆爆爆... 侍应哥哥教我哋自己烧时可以放生菜响猪皮上面, 咁就唔怕弹得咁劲啦. D猪皮唔好烧得太干, 会好硬, 熟咗就已经食得, 烟烟韧韧有DD浆住咁, 配埋芝麻好香口, 又可减低油腻感. 仲有邪恶嘅围边栗米芝士同泡菜蛋亦令到我哋失控, 不断食, 不断refill, 加到都有D唔好意思 (记得第一次嚟呢度时, 如果要refill围边系要比$60, 但后来两次都唔驶加价都可以任食, 呢个改变值得赞扬). 牛肉就无咩特别, 所以都系猪皮五花队胜出! 炒芝士年糕系一个挑战, 因为真系几漏吓, 同埋D汁又系差D浸死年糕咁滞! 压轴好戏, 次次都必食, 就系传统红豆冰沫啦, 红豆,黄豆粉, ,炼奶,豆奶冰内藏 M