韓Cook (已結業)

最近韩风咁hit，睇太阳的后裔睇到我入晒脑，出黎揾食都要食韩野！ 今次黎尖沙咀韩食街先！因为食brunch都三四点，店面无乜人，宽敞又舒服，得我地几个最嘈！ 其实个装修都几有格调呀！楼底又够高，空间感不错！ 前菜小食如果多Ｄ就好啦！ 不过我地叫左好多野食，都无问有无得refill。韩菜中大爱炆牛肋骨，呢度炆得又够稔又入味，仲有几件年糕，都好入味又juicy，正！ 初次试食韩式冷面，比想像中好味㖞！ 虽然有冰水系度，但唔系淡而无味，相反Ｄ都好有味，仲有少少配菜（半只鸡蛋同牛"月展"），配合佢都质烟烟unun，好味 人参鸡汤必点，呢度好大兜，四个人一人都有差不多一大碗，不过就略嫌少Ｄ人参味，但个汤都几好饮 海鲜煎饼惊喜地好味，新鲜热辣整起，馅料十足！饼底又唔会太厚，又香又好味！ 韩式猪手系我另一至爱菜式，呢边既猪手略嫌稔得滞，肥肉同瘦肉直接自行分开，结果我地大部分都只系食瘦肉。 倾下讲下都坐左好耐，坐到人地店员都系度食饭准备下场。 呢个钟数隔离有Ｄ店直接落场唔做生意，呢间系其中一间照做，如果遇著尴尬时间都可以系一个好选择呀！ 大概夜晚黎会有好多人排队挂。