Running 燒 (已結業)

天气凉凉哋，朋友约咗去食韩烧。餐厅走韩国style，每张枱都有烟囱吸走油烟，加上环境开扬，座位阔落，感觉唔到有油烟。就座后，店员会送上三碟韩国泡菜，泡菜唔算太辣，味道唔错。呢到系用手机扫QR CODE落单，十分方便，食物选择多，上菜速度都几快。另外酱料及饮品，需要自己到酱料区及雪柜度拎。酱料有7款选择，而饮品选择都唔少，汽水同茶都有。响电话落单嘅食物陆续送上；牛舌、牛肋骨、鸡翼、雪花牛仔肉、五花腩、芝士生蚝、带子、扇贝、帆立贝、海虾、金菇、茄子等等...五花腩肉厚肥瘦适中，肉质嫩滑又香口。鸡翼烧完外皮焦香，肉质鲜嫩。牛肋骨腌得入味。大虾同带子食落鲜甜。芝士生蚝烧咗一阵芝士开始慢慢溶化，芝士配埋蚝肉嚟食，非常芝味。呢度除左烧嘅食物外，熟食嘅小食都做唔错，炸鱿鱼须同炸鸡，新鲜热辣炸起，劲香口，又有肉汁，值得一试。最后食埋甜品；密瓜味雪条，密瓜味浓郁，够香滑，而且唔太甜，真系食过返寻味。]]]]]]]]]]