阿里郎熱狗棒 (已結業)

最近睇韩剧见到女主角同朋友喺街边食热狗, 之后就一直好想食, 咁啱今日去旺角见到间韩国地道小食店 ❥⧽Arirang Hot Dog ❥⧽, 即刻要买嚟食吓。𓊈热狗 ✧ 薯条鸳鸯芝肠 ✧ 芝薯拉丝 ✧ 水牛芝士拉丝𓊉所有嘢食都系即叫即整, 所以热辣辣好新鲜, 每条热狗嘅芝士都做到拉丝效果, 芝士味浓郁但完全唔会觉得油腻, 有薯粒包住嘅热狗口感层次更丰富, 食一条已经会饱。𓊈年糕香肠串𓊉年糕好烟靭, 上面挤咗秘制酱汁同沙律酱, 味道甜甜地, 估唔到配埋脆皮香肠一齐食个味道都几夹。𓊈芝士球𓊉芝士球外面整得好酥脆呀, 外皮有少少年糕感觉, 而里面d 芝士满满的, 芝士控真系唔可以错过。𓊈特大烤牛肉饼𓊉大大力推荐这个牛肉饼! 牛肉饼以牛肉和猪肉制成, 外层烤成金黄色, 里面嘅肉好软腍, 充满肉汁弹牙又 Juicy, 真系好好味呀!✧✧ 整体食物都好好食, 挂住韩国地道小食嘅朋友真系一定要去试吓。