福岡漢堡扒 (厚福街) (已結業)

见到福冈唔好以为黎自日本，其实佢系韩国黎既。餐厅主打石烧澳洲和牛汉堡扒，亦有其他丼饭。餐厅每个位都有独立一组抽风系统，尽量吸走油烟。抽风系统管口比较低，烧扒时有少少阻住。✨味道78分，环境75分，服务75分。.🔸芝士蛋和牛汉堡扒(L) ($125)⭐️喺大大汉堡球批少少肉出嚟，摆热石上面煎，初初热石高达380度，每边煎3秒已经好快熟，其后热石温度下降，控制会易啲，唔够热可以换新石。好浓牛味，软熟，多油脂渗出，好香口，好juicy，唔洗额外调味，本身都已经好够味，送饭一流。有埋芝士同蛋一齐，更加惹味！扒餐配白饭面豉汤沙律及泡菜。.🔸东武里牛丼饭($98)好足料好多牛肉粒，有咬口，唔会太韧，酱汁方面有少许芥末味，中间只蛋黄笃开捞饭更正。