福岡漢堡扒 (厚福街) (已結業)

呢间新店系韩国各地有超过30间分店，餐牌款式唔算多，主打DIY石烧汉堡扒，仲有石烧和牛同丼饭。套餐包咗白饭🍚、沙律🥗、面豉汤同泡菜，而且设有大、中、小份量🍱最平$83就有交易，Cp值非常高。💗芝士蛋和牛汉堡($93)汉堡扒选⽤100%澳洲和⽜，加入20多种香料调味，即场搓成色泽粉嫩嘅「汉堡扒波波」。每次攞⼀⼩团肉，放系⾼达约380 度嘅热⽯上，压平每边煎3秒。外面金黄酥脆，内𥚃非常软淋爆汁😍同平时有弹性嘅肉扒唔同。食落入味得嚟唔会好咸，但牛味唔够香浓，而且较油腻🤔夹集住底下嘅鸡蛋同葱粒一齐食更加香口惹味，唯一改善系芝士份量可以再多d🧀💗东武里牛丼($78)饭面舖上8大粒牛肉骰仔，非常足料🥩牛柳粒煎得啱啱好，内心带粉红，入口松软富肉味，一d都唔硬但未算好juicy，而且带筋位，食落更爽口。灵魂系配上日本Wasabi，少少呛鼻咁出奇地夹，仲有生洋葱同葱花以解油腻🧅刺破生蛋黄同饭拌匀，饭粒沾满蛋浆，不会过分湿润 ，味道香滑浓郁🍳不过淋系饭嘅烧汁较少，浓味番d会更好食。