首爾家韓國料理

营业中

休息中

呢间餐厅系位于铜锣湾一间酒店嘅一楼，佢唔系喺酒店大堂入去，而系酒店隔离的一个入口，上几级楼梯就可以搭䢂，唔难揾。上到去餐厅，员工就已经好友善咁样问有冇订枱或者几多位，然后再立即带你去预订嘅枱𠮶度。佢见我哋睇咗一阵餐牌，就主动行过嚟问我哋想食乜嘢，我哋今次就系叫咗个四人餐再加左个冷面，煎饼同炸鸡。食物方面，分量方面系足够，而且食材都好新鲜。先讲前菜，佢有基本嘅菠菜豆芽薯仔泡菜等等，而且仲可以帮你免费添加。不过都系果句食得晒先好加啦，唔好嘥呀嘛👍🏻 至于韩烧嘅食物，食材系唔错，但最紧要系佢哋嘅员工好主动咁过嚟帮手烧，令到鸡手鸭脚嘅我哋都唔会烧到㶶晒😂而冷面就不过不失啦。唯一美中不足嘅系，个煎饼食落有少少油，如果可以整到干身啲就最好啦。