影片
更多
2017-12-20
75 浏览
最近比较频密咁去食韩国野，无错！今晚又落咗尖沙咀，然后行得比较远少少，朋友话想食韩国野，于是就由街头行到街尾，去到金巴利道，最终拣咗呢一间「Angry Oppa Restaurant & Bar」落脚。哈，今次无Oppa系店面喇！换来嘅系讲唔正广东话嘅韩妹，呢个都系卖点泥咖！首先睇睇餐牌，食咗几转韩国野已经从经验中学习到，重口味同清啲嘅食物系要平均咁柯打，所以最后叫咗5个Dishes：分别系韩式煎饺子、鱼糕乌冬、韩式炒牛肉、泡菜海鲜煎饼、迷你大酱五花肉熔岩比萨。而最先到嘅系饺子，由于当日无大饺子，所以转左四只小饺子，绿色皮煎至金黄，食落口有种微辣，猪肉馅中混入咗类似青辣椒仔肉，非常过瘾！其后，炒牛肉同乌冬陆续上枱。韩式炒牛肉嘅咸甜味调配得相当恰好，相比泡菜味或大酱味嘅炒肉清淡一啲，个人觉得呢个菜叫得好明智。而乌冬汤底带胡椒同姜嘅味道，饮起上泥有种暖胃嘅作用，冬天道最岩食鱼糕饮啖汤！接住压轴嘅比萨同煎饼到喇！事关叫咗多款小食嘅关系，我地柯打咗比较小型啲嘅个款大酱五花肉比萨，90蚊两个大概CUPCAKE尺寸嘅比萨，相当实惠，咁就唔怕食剩野变大嘥鬼啦！内里芝士十分足料，又系韩国个款，食完超有
首先睇睇餐牌，食咗几转韩国野已经从经验中学习到，重口味同清啲嘅食物系要平均咁柯打，所以最后叫咗5个Dishes：分别系韩式煎饺子、鱼糕乌冬、韩式炒牛肉、泡菜海鲜煎饼、迷你大酱五花肉熔岩比萨。
而最先到嘅系饺子，由于当日无大饺子，所以转左四只小饺子，绿色皮煎至金黄，食落口有种微辣，猪肉馅中混入咗类似青辣椒仔肉，非常过瘾！
其后，炒牛肉同乌冬陆续上枱。韩式炒牛肉嘅咸甜味调配得相当恰好，相比泡菜味或大酱味嘅炒肉清淡一啲，个人觉得呢个菜叫得好明智。而乌冬汤底带胡椒同姜嘅味道，饮起上泥有种暖胃嘅作用，冬天道最岩食鱼糕饮啖汤！
接住压轴嘅比萨同煎饼到喇！事关叫咗多款小食嘅关系，我地柯打咗比较小型啲嘅个款大酱五花肉比萨，90蚊两个大概CUPCAKE尺寸嘅比萨，相当实惠，咁就唔怕食剩野变大嘥鬼啦！内里芝士十分足料，又系韩国个款，食完超有饱腹感啊！
而泡菜海鲜煎饼尺寸非常大，可以四个人一齐分享食都可以！味道系我接受到嘅泡菜口味，辣度适中，怕辣嘅人都可以食得到；而咸度又唔会夸张到要丧饮水个只，所以都几深得我心嘅一款薄饼。
总结我地最后每人大概二百五蚊左右，系尖沙咀食韩国野预期都系呢个价钱，都非常够饱。所以唔想食韩烧放题，呢啲韩国小菜馆就岩哂你！
张贴
