炑八韓烤 (已結業)

去完剪头发有少少肚饿，朋友话附近有间炑八有下午茶食，价钱又平又多选择，所以就走去食啦~估唔到下午茶时段都多人㖞，环境又舒服。下午茶跟餐会送海藻汤、前菜和鱼糕串。鱼糕串唔会煮得太淋，吸收了汤的味道。紫菜包饭中间有蛋、青瓜、牛肉、酸萝卜，加了牛肉十分惹味，馅料又多。芝士炸鸡，份量好多，48蚊真系好抵食。店员送上来的时间提醒我地芝士热的时候要将炸鸡同芝士捞埋一齐。除了炸鸡外铁板仲有芝士和粟米炸鸡炸得香脆，加埋浓浓的芝士真系一流呀。套餐加十蚊就可以有韩式热狗啦。热狗加上茄汁和芥末酱更加滋味。叫咗2杯野饮分别系荔枝梳打和菠萝梳打，每杯都有果肉系裹面，饮完仲有得食生果真系唔错食咗咁多野每人都系六十几蚊真系好抵食呀。