韓日屋燒烤放題 (已結業)

今日同阿妹两个人行旺角,阿妹想去兆万食。其实我又想食日本野。佢又想食韩国野。故此入左呢间叫韩日屋餐厅进食啦。入到餐厅，侍应就俾左两个前菜：一份芽菜，一份泡菜。本人唔好泡菜，就只只系食左芽菜。芽菜有少少麻油香。另外佢俾三款酱汁过我,分别系豆瓣酱、牛肉汁同烧汁。只系本人觉得点豆瓣酱有点怪。故此,无点过。点菜纸有9张；有寿司、炸物、烧肉同剌身，甜品同野饮就自己出去拎。炸物就叫左鸡软骨、软壳蟹、炸虾。鸡软骨就一碟上，份量唔算少但不太多。食落去唔太油。外面落左少少七味粉，变到鸡软骨更香。鸡软骨好爽口。炸虾就炸粉好香脆,由于佢唔沾左太多炸粉，所以唔太浆住个口。烧肉方面：我叫左牛柳粒、带子、菠萝、鸡串、虾：个炉同出面有D分别，佢布张纸放落个炉度。一来方面佢清洁二来我地烧野唔会痴镬，简直win win双羸。牛柳粒好淋而且好滑;本人烧带子觉得落少少盐,骤眼睇个带子系咩都无落。如果咩都唔落，个带子唔出鲜味。我就令到佢唔会太干身同带出个鲜味。刺身方面，我叫左好多三文鱼。啲三文鱼脂肪比例均匀。食落去无雪水，而且都好滑。师傅切三文鱼块都份列几厚身。令到三文鱼有啲口感。