影片
更多
2022-03-17
827 浏览
💎总评分：8.0/10-今日喺金马伦道附近揾食，呢一带好多韩国餐馆🇰🇷，咁啱经过一间装修简朴舒服嘅韩式小店，窗边有只霓虹灯飞天猪🐷，仲有啲心心吊灯挂系窗前，成间舖都好粉红色💕，充满住少女心嘅小编就好自然咁走左入去。Menu以传统韩式家常菜为主，主打零味精&零防腐剂热汤🍲、足料石锅拌饭🍚、仲有多款蒸饺&煎饺🥟！1️⃣ 薯仔猪排骨汤 $148十多款热汤选择小编心大心细左好耐，全部可以追加韩国红米饭或韩国面条🍜。「薯仔猪排骨汤」喺韩国人眼中系非常有效嘅醒酒汤，相当足料有多类蔬菜，包括薯仔、芽菜、萝卜丝、洋葱丝🧅同清菜🥬，当然仲有煲到好冧同入晒味嘅猪排骨😋。出奇地汤面唔算油，调味适中唔会过份咸，绝对好食👏🏻！2️⃣ 酱炒牛肉石锅芝士拌饭 $128饭上舖满紫菜，鸡蛋丝同各类野菜，包括翠玉瓜、萝卜丝🥕、芽菜、菇🍄同菠菜，当然唔少得芝士🧀，完全系个饭嘅精髓，搞拌时见到拉丝效果即刻食欲大增🤤！牛肉亦好入味🐂，多种配料加埋辣酱，一啖食落去层次感丰富🥰，饭底选用糙米几特别，食到最后仲有饭焦，简直系石锅饭至高嘅境界💯！3️⃣ 饺子王 $16作为韩国人传统美食之一，menu有多款蒸&煎饺🥟，比较特别嘅系饺子王，逐只or
-
今日喺金马伦道附近揾食，呢一带好多韩国餐馆🇰🇷，咁啱经过一间装修简朴舒服嘅韩式小店，窗边有只霓虹灯飞天猪🐷，仲有啲心心吊灯挂系窗前，成间舖都好粉红色💕，充满住少女心嘅小编就好自然咁走左入去。Menu以传统韩式家常菜为主，主打零味精&零防腐剂热汤🍲、足料石锅拌饭🍚、仲有多款蒸饺&煎饺🥟！
1️⃣ 薯仔猪排骨汤 $148
十多款热汤选择小编心大心细左好耐，全部可以追加韩国红米饭或韩国面条🍜。「薯仔猪排骨汤」喺韩国人眼中系非常有效嘅醒酒汤，相当足料有多类蔬菜，包括薯仔、芽菜、萝卜丝、洋葱丝🧅同清菜🥬，当然仲有煲到好冧同入晒味嘅猪排骨😋。出奇地汤面唔算油，调味适中唔会过份咸，绝对好食👏🏻！
薯仔猪排骨汤
$148
27 浏览
0 赞好
0 留言
2️⃣ 酱炒牛肉石锅芝士拌饭 $128
饭上舖满紫菜，鸡蛋丝同各类野菜，包括翠玉瓜、萝卜丝🥕、芽菜、菇🍄同菠菜，当然唔少得芝士🧀，完全系个饭嘅精髓，搞拌时见到拉丝效果即刻食欲大增🤤！牛肉亦好入味🐂，多种配料加埋辣酱，一啖食落去层次感丰富🥰，饭底选用糙米几特别，食到最后仲有饭焦，简直系石锅饭至高嘅境界💯！
酱炒牛肉石锅芝士拌饭
$128
45 浏览
0 赞好
0 留言
3️⃣ 饺子王 $16
作为韩国人传统美食之一，menu有多款蒸&煎饺🥟，比较特别嘅系饺子王，逐只order放喺小蒸笼入面卖相可爱又矜贵😽。馅料除左猪肉，仲有豆芽、蘑菇、豆腐同粉丝，再加入适当嘅调味🧂，口感比中式饺子松软，大只又好味。
饺子王
15 浏览
0 赞好
0 留言
4️⃣ 泡菜饺子王 $16
同样系逐只叫嘅蒸饺，主要分别系馅入面加左泡菜，味道即刻多左阵酸辣味🌶️，中意食辣嘅朋友可以一试👍🏻。
饺子王
$16
34 浏览
0 赞好
0 留言
食完之后先知道原来餐厅系韩国大厨班底🤭，怪唔之得质素咁高！以中等价位嚟讲，食物足料好味，装修除左窗边嘅飞天猪同心心吊灯之外📸，整体都坐得舒服，想食韩国菜嘅可以嚟呢度同朋友听住Kpop慢慢食！
-
环境服务：⭐⭐⭐⭐
食物质数：⭐⭐⭐⭐
打卡指数：⭐⭐⭐
题外话/补充资料：
🚗 餐厅位于金马伦道地舖，对出有一排咪表位，好多车就咁泊街，泊正喺门口望住就最安心啦！
(以上食记乃用户个人意见 , 并不代表OpenRice之观点。)
张贴
