新沙洞澡堂 (已結業)

一入门口已经见到大大个澡堂，墙壁亦有花洒同镜🪞，装修好有特色，打卡岩哂。炸韩国午餐肉条小食要咗好特别嘅炸午餐肉，外面少见，午餐肉嘅咸香味加埋炸得非常香脆，点埋甜酸味既秘制酱汁，配搭好夹。生菜包猪肉配自家制酱汁猪肉有少许肥膏，肥瘦适中，可以用生菜夹住生蒜头、酸萝卜、青辣椒粒，自家制酱汁食，口感丰富。酱汁少辣咸咸地，爽口生菜中和返油腻感，非常高质。韩式牛肉部队锅（含芝士）连埋炉一齐上，滚住保持热辣辣🔥，面底用咗辛辣面，配料有芝士肠年糕串，韩国午餐肉，泡菜，两大块芝士，一大卷肥牛，汤底小辣，配料吸收晒汤之后食好滋味。韩式牛角酥窝夫 - 提拉米苏甜品有惊喜，牛角酥窝夫酥脆松软，牛油味出众，中间食到一层层既酥软，上面加左 Tiramisu，柔和中带有质感，甜得来有少许苦涩味。蓝柑橘白桃梳打特饮蓝紫色嘅颜色好吸引，杯上面有西柚皮干做点缀，打卡一流，味道甜甜地。香槟葡萄梳打特饮饮品嘅颜色系香槟红色，有少许气泡，味道偏甜微酸。