MOMOJEIN Korean Restaurant (已結業)

韩式西餐香港好少有，我咁钟意试新菜，知道有新当然要去试一试先啦第一道菜系Gujeolpan，有三种唔同颜色粉皮，粉皮烟烟韧韧，有啲似印度薄饼咁。每块粉皮随意包住啲甘荀丝、萝卜丝、木耳丝、蛋丝、冬菇丝⋯⋯等等，然后点两款酱食，一款系豉油加麻油再有啲芝麻，一款系似沙律酱，酸酸甜甜，口感皮好软熟，各样丝又脆，再点酱食好味道停唔到口。第二道菜系Korean  Fried  Drumstick ( Original )，炸起滚热辣，皮脆到卜卜声，肉嫩又多汁，要用手嗱住食先最好味呀。第三道菜系Kalbi  &  Grilled  Vegetables，睇样都已经流口水，外面烧到㶶㶶地，入面仲系粉红色，再搽上好似蜜糖嘅汁烧完，咬落口嫩滑多汁，唔洗点酱都好好味道喇。最后因为晚餐时段仲有Happy Hour，酒精类有买一送一，又或者叫碟炸鸡，都可以免一杯饮品。