Mix & Rice (已結業)

放工同朋友黎食炸鸡，拣呢度系因为除左炸鸡，仲有好多韩国野既，好吸引。7点黎到，果阵仲未好多人，但都仲有7张枱。不过相比起其他，已经唔算多人，所以决定继续等。点知后来既人入左都未到我地，问一问原来以为我地走左，明明前一阵先确认过，真系嬲嬲地，最后等左差唔多2个钟先入到去。首先当然要试下炸鸡啦，由于有个朋友唔系咁食得辣，所以叫左半半。2者都好脆，但系略嫌原味的唔够味，所以果位唔食得辣既朋友都要”点”D酱汁食。酱汁上配埋花生，成个配搭十分香口。另外，炸鸡仲有少少炸年糕，年糕炸左之后外硬内软，口感一流。仲要送埋个沙律，都几抵食。第二个系海鲜豆花锅，我好钟意呢个锅，辣得好惹味，但友人觉得太辣，所以适合好辣人士。如果有埋饭就VERY GOOD了，不过为左试到更多野，所以我地冇叫饭。牛肋骨，之前韩文班老师特登推荐过，我平时唔系咁钟意食牛，但都觉得好好食。肉质比较”淋”，好入味。