高麗軒韓國餐廳

营业中

休息中

Hello 大家好，又系我地Hkfunlife小编分享好餐厅既时间啦 实在好耐无去旅行，突然好想食韩烧。今日就揾左呢间韩国韩烧放题餐厅试下。呢间餐厅位于北角和富道20-36号明晖大厦1楼，叫做高丽轩韩国料理。呢间其实系尖沙咀人气韩烧料理放题高丽轩韩国料理既北角新店。我地到达餐厅后，等几分钟便可入座。埋到枱见到餐具清洁，同埋最紧要系抽气做得好足，唔会烟雾弥漫，环境舒适。坐低之后，店员说明点餐步骤，只要扫一扫QR code就可以落单，方便客人点餐及追加，非常简单方便。宜家任食放题的价钱，星期一至四成人$268位, 星期五$288位。而每人加$68仲可以升级任食加拿大Prime 雪花牛、3A雪花牛、帆立贝、澳洲新鲜带子、法式羊架同红炆牛肋骨等等添，仲会送classic罗拔臣啫喱，而新张期内全单仲有九折优惠。太多野食喇，我地用左10分钟先谂好要嗌咩。负责楼面工作嘅店员友善好客，而且效率高。点餐后好快就上左韩国小食，跟住就系加拿大Prime 雪花牛，油花均混，烧完后相当香口。呢个澳洲带子同帆立贝好鲜甜，所以追加左几次。