漢和韓國料理

营业中

休息中

「汉和」应用系少数韩烧连锁店而又做得咁耐（虽然分店已经净番几间）。晚市收费，7:30前埋单$213，之后$228，另收加一服务费。烧烤食品种类有三十多款，一般韩烧要有嘅都有，而我主要都系食几款。・牛仔骨，有酱汁调味及原味无调味两款。酱汁调味带微甜，腌酱味道不错；原味烧完可加韩式大酱。牛仔骨肉质满意，唔会多肥靖，亦唔会得骨无肉。个人偏好酱汁调味，夹埋蒜片生菜一齐食最正。・牛舌，大部分都爽口唔韧。・猪腩片，肥瘦适中，烤到出哂啲肥油，脆卜卜。・鱿鱼须，快炒再加辣粉，十分惹味。・鸡翼，韩烧又点可以无呢，有原味同辣味，中间𠝹开咗方便快啲熟。・鸡肾，大片，爽口弹牙。汤品・碗仔翅，足料。・老火汤，够味。・人参鸡汤，少量参味。・辣海鲜汤，少辣，味道麻麻。前菜，咸鱼仔、泡菜、菠菜、芽菜、青瓜...。小食，多春鱼、韩式炸鸡、韩式煎饼、炸鱼皮、蛋散、薯条、煎堆、炸馒头、春卷...。冷食，三文鱼刺身、三文鱼寿司、卷物...。熟食，猪脚姜、酱汁猪手、煎三文鱼骨、炒饭、炒菜...。生果，西瓜、蜜瓜、橙...。甜品，豆腐花、莲花杯、桂花糕...。饮品，汽水、啤酒、茶...。整体用餐体验，生/熟嘅食品款式多，坐位宽敞