新麻蒲 BBQ (東港城) (已結業)

间唔中都会想食韩式BBQ喺屋企附近就有一间新麻蒲，隔离就系有炸鸡，但系好奇怪，我见佢哋嘅职员两边走，但系点解我唔可以食紧烤肉嘅时候叫炸鸡？🤣钟意食呢一种韩式烤肉嘅原因好多时都系因为佢嘅配菜系任食，对于一个泡菜爱好者来讲呢个系非常之开心嘅事，另外鸡蛋都系任加㗎，最钟意食就系炉边蛋😂佢哋嘅猪扒同埋护心肉都非常好食，𠮶种爽口但系啲肉质系会令人深深咁挂住。自己亦都好钟意食冇影到嘅牛肋骨，我觉得呢个先系韩式烧烤嘅精髓。