影片
更多
2019-05-15
734 浏览
韩式原来都可以做放题，呢间放题店加入埋韩式食物，整个日韩放题，坊间真系好少放题店系以日韩做主打，本身自己又中意食韩国野，就一于黎试下。餐厅环境位于商厦，都唔算难揾，不过商厦门口有啲细，好易Miss左，餐厅墙内有缤纷既画做装饰。收费价钱主要系$228-$268不等，分三个时段17:00-18:30 / 18:45-20:45/ 21:00-23:00，亦都可以自选任何两小时，多啲人黎食亦有优惠。食物选择扫QRCODE落单，有刺身、手握寿司、火灸寿司、手卷、军舰、黑松露寿司、新鲜沙律、前菜、炸物、天妇罗、串烧、炉端烧、一品料理、饭面类、锅物、火锅配料、清酒／梅酒，仲有出面既自助饮品及甜品区。自助区饮品、甜品自己拎，甜品既种类比饮品多好多，虽然系咁，但因为有好多款比较特别既韩式饮品，都觉得可以回本，至于甜品亦系有好多韩国牌子供应。清酒/梅酒任饮！点餐后就会送一小瓶上枱，唔会呛喉，唔错。新鲜沙律、前菜叫左份鸭胸芦荟沙律，正正常常，前菜嗌左泡菜、手拍青瓜，食腻左可以食下沙律/前菜消下腻。刺身留肚食其他野，所以刺身唔系食左好多款，但一场黎到就一定要试生八爪鱼，皆因真系唔系到到都食到，即叫即㓥，上
餐厅环境
位于商厦，都唔算难揾，不过商厦门口有啲细，好易Miss左，餐厅墙内有缤纷既画做装饰。
收费
价钱主要系$228-$268不等，分三个时段17:00-18:30 / 18:45-20:45/ 21:00-23:00，亦都可以自选任何两小时，多啲人黎食亦有优惠。
食物选择
扫QRCODE落单，有刺身、手握寿司、火灸寿司、手卷、军舰、黑松露寿司、新鲜沙律、前菜、炸物、天妇罗、串烧、炉端烧、一品料理、饭面类、锅物、火锅配料、清酒／梅酒，仲有出面既自助饮品及甜品区。
自助区
饮品、甜品自己拎，甜品既种类比饮品多好多，虽然系咁，但因为有好多款比较特别既韩式饮品，都觉得可以回本，至于甜品亦系有好多韩国牌子供应。
清酒/梅酒
任饮！点餐后就会送一小瓶上枱，唔会呛喉，唔错。
新鲜沙律、前菜
叫左份鸭胸芦荟沙律，正正常常，前菜嗌左泡菜、手拍青瓜，食腻左可以食下沙律/前菜消下腻。
刺身
生八爪鱼
29 浏览
0 赞好
0 留言
酱油虾
35 浏览
0 赞好
0 留言
刺身
27 浏览
0 赞好
0 留言
留肚食其他野，所以刺身唔系食左好多款，但一场黎到就一定要试生八爪鱼，皆因真系唔系到到都食到，即叫即㓥，上枱时仲会郁，食落好弹牙，未试过既朋友唔洗系韩国都食到！而另外常有款式只系试左三文鱼、吞拿鱼、蟹棒、酱油虾，全部食落都新鲜鲜甜，唔会有削既问题。
寿司
有手握寿司、火灸寿司、手卷、军舰、黑松露寿司，共五款。试左油甘鱼寿司、火灸芝士蟹棒寿司、火灸三文鱼腩寿司、黑松露带子寿司，油甘鱼油香较弱，但味道都可以，火灸系列都烧得好靓仔，好香口，而黑松露带子亦新鲜冇异味。不过寿司饭系正常系寿司店食既大小，想留肚食其他野既话就唔可叫咁多寿司。
串烧
沙嗲鸡肉串
18 浏览
0 赞好
0 留言
串烧就试咗烧牛舌、烧鸡翼同埋沙嗲鸡肉串，牛舌唔会太韧，烧鸡翼烧得唔错，个皮脆脆地，入面唔会老哂，腌得几入味，沙嗲鸡肉串都几惹味。
炉端烧
网烧牛仔骨
29 浏览
0 赞好
0 留言
火辣鸡中翼
16 浏览
0 赞好
0 留言
炉端烧就食左网烧牛仔骨、铁板纽西兰羊架、火辣鸡中翼，全部都好入味，最重要系唔会煮到/放到韧哂。
一品料理
豚肉炒年糕
24 浏览
0 赞好
0 留言
炒豚肉
13 浏览
0 赞好
0 留言
咖哩汁牛舌
17 浏览
0 赞好
0 留言
一品料理就叫左碟铁板炒野菜食下，好有镬气，仲有清蒸小笼包，其实好惊会有伏，就算比钱系出面食小笼包好多都唔好食，呢到虽然个皮比较厚，但以放题黎讲做到入面啲肉唔老有少少肉汁我已经好收货，都食得过。豚肉炒年糕、避风塘炒鱿鱼须，两碟份量都好多！豚肉为薄片，腌得好入味，年糕炒得QQ，避风塘炒鱿鱼须卖相十分好，可惜食落唔够香口。店员仲每枱比咖哩汁牛舌，系新推菜式，牛舌煮到好腍，咖哩唔辣重椰奶味，但味道都唔错。
炸物
有吉列广岛蚝、日本芝士年糕、脆炸香蕉、鲜鱿鱼虾棒、紫心蕃薯脆饼、韩国蜜糖芥末酱炸鸡、明太子𫠒鱼烧等等，鲜鱿鱼虾棒几特别，一条长长形状咁，几有咬口，而炸鸡同𫠒鱼烧都可以，唔会炸粉太厚，可以叫黎试下。
甜品
重头戏，有多款韩国雪条，有YOUGURT款，有朱古夸脆皮款，有水果款，仲有雪糕杯，同甜点，一定有款岩你口味。
二百几蚊可以试下生八爪鱼，其实仲有部队锅，但由于见到有人食好大个，怕食唔哂就无叫到，叫完部队锅仲可以加不同既火锅料打边炉，例如肥牛、丸类、辛辣面等等，一定回到本，放题友又多一间选择。
张贴
