新派韓食館 (已結業)

之前喺大围都试过一次韩国餐厅，食物唔错而且又唔贵，朋友话佢喺长沙湾都开咗间分店，今日去开个头所以就入去试吓。餐厅装修嘅风格同大围𠮶间差唔多，都系韩式路线，侍应全部都系韩国人，唔讲重以为自己去咗韩国。泡菜蚝仔煎饼＄82煎得好香脆，好钟意去𠮶边脆脆地，蚝仔嘅份量都唔少，泡菜令到个煎饼有少少辣，好开胃，我同朋友都争住食。汉拿山豚肉炒饭$128由韩国哥哥帮我地即席炒饭，仲整到星星型，真系来自星星的你，个炒饭有惊喜，韩国哥哥系炒饭嘅时候落咗啲韩国烧烤汁落去令到个饭有少许甜味，好好食，仲要捞埋芝士同鸡蛋落去好正。飞机酱缸腌蟹＄188 全晚最期待嘅菜，之前成日知道韩国最出名嘅腌蟹，但真系第一次试，又系由韩国哥哥帮我地处理，即席帮我地拆蟹，将蟹肉同蟹膏捞落去饭入边，好重蟹味，而且非常「鲜」，好似食紧刺身蟹。菠萝冰＄58之前喺大围都试过，今次长沙湾嘅分店都保持水准，菠萝冰酸酸甜甜非常开胃，仲有一大块嘅菠萝，饮完都好饱。