Coffee Lover (已搬遷) 新店位置

Coffee Lover喺中文大学嘅敬文书院饭堂外去敬文书院唔算容易，一定要搭校车、仲要唔系条条线都去到（只有3同4号校巴先会经敬文）落车后过对面就见到Coffee Lover架咖啡车摆咗喺饭堂出面成个档口只有老板一个，一手包办有卖唔同口味嘅咖啡、冬甩同埋其他小食价钱全部都平过街外咖啡店好多谂好就同老板落单，叫咗个latte再加个冬甩，然后就企咗喺隔离睇老板点样精心制作咖啡唔同嘅咖啡会配合唔同嘅拉花同餐盘，唔知老板接唔接受特别request，或者佢系根据自己心情而决定画咩拉花同拣边个餐盘老板首先摆低咗个有音乐盒嘅餐盘，再转身整咖啡，然后喺面前画咖啡上面嘅花可能见无其他人排队，佢好有心机咁画咗成棵樱花树俾我～🌸而另外order嘅冬甩，个面除咗有朵花花，仲有玫瑰花碎、蓝莓同果仁碎，就连装冬甩嘅餐盘亦都有铺咗啲花花，好赏心悦目～～将音乐盒上炼，一边叹咖啡、一边食冬甩、仲可以一边听住天空之城本来见啲野咁靓，谂住应该都系得个样，对味道无期待点知咖啡浓郁幼滑，冬甩唔太甜好味，加埋超靓摆盘、悠扬乐声～不枉我长途跋涉上来敬文朝圣！