Coffee Lover (已搬遷) 新店位置

叫了一個酸辣豬扒米線，加了兩元便有一杯熱檸檬茶，米線的份量十分足夠，豬扒切成兩至三塊，方便食用，十分入味，酸辣味道還好，不太辣，還有一些芽菜和生菜，整體而言味道好。

依間cafe既同我一樣 都係coffee lover😍 自從上年sem1上完一次就好想再黎 可惜敬文太唔就腳！今日考完試就約左朋友黎飲咖啡 順便食埋敬文canteen 冇黎一年 今次見d枱少左 環境逼左少少 同上次一樣叫左rose latte 老闊好有心機 每杯都不同style! 朋友叫左rose cappuccino 同埋抹茶latte🥰好靚啊 咖啡味濃 吾係得個樣！唯一不足係環境麻麻 得室外位 位置都唔多 如果天氣熱/落雨就好麻煩Rose latte $30 LRose cappuccino

假期想飲杯咖啡抖下休息下呢間cafe位置於中大 地方有少少格涉 位置係新書院到需要再轉校巴上黎 話說其實我都係呢間學校既alumni畢業左幾年但真係未試過去呢個新書院小店🙈一去到間cafe其實係敬文書院canteen外面一架小餐車 open area旁邊擺左幾張枱 俾人買完野坐低chill下 ☕️如果撞正落雨天 都可以去入面canteen個menu都幾特別 d野飲全部都係陳百強既歌黎命名 仲要播埋陳百強既歌🎶感覺上老闆都幾型幾chill 似係純粹為興趣去經營呢間cafe shop雖然係小店 但老闊都好有心去整每一杯咖啡每杯咖啡由擺盤裝飾 到拉花沖奶都一絲不苛 🌸每款擺碟都好靚 岩哂女仔打卡得黎都有好香濃奶味 真係feel到有heart去做絕不欺場 $30蚊一杯去同朋友休息傾下計都好開心😊當平時番工都係飲大型連鎖店starbucks/pcc 好興幸仲有呢類型既小店真係要支持下🍵👌🏻指數：8/10歡迎大家一齊食左先講🤤🤤

隱藏係大學入面的咖啡店。唔係大學生，專登黎飲，要坐完地鐵再轉穿梳巴士先黎到。細細的咖啡車仔檔仔，只有幾張枱。但咖啡一黎到好有驚喜，成個賣相好靚。咖啡既拉花好精緻配合返托盤的裝飾。唔係出面其他咖啡店一般既拉花。見到杯咖啡即刻已經好開心，好靚呀真係坐係度悠悠閒閒就過左一個下午

係中大讀左三年，都未試過去敬文Can試下隱世咖啡，有次約朋友食lunch，突發奇想去敬文朝下聖。去到都幾surprise，因為咖啡鋪既面積好細，入面要擺住勁多設備，當日都幾曬下，想像到老細一個人係鋪頭度幾逼同侷促。室外有幾張枱凳，但因為隔離泊住車，加上天氣咁熱，所以都係拎番杯咖啡咁Canteen飲。我唔係個飲開咖啡既人，見天氣咁熱就叫左杯薄荷咖啡梳打，當解下渴，一杯24蚊，咖啡既價錢比起其他咖啡店都算係相當親民。我飲落去覺得太重梳打味，無咩咖啡味，唔係太岩我口味。但最impress我既係佢托盤擺設超有心思，個個唔同既，仲要有音樂盒。姑勿論咖啡味道如何，見到個擺設咁繽紛，心情已經靚曬

本身自己係中大畢業難得放假 同老公返咗中大周圍行其中一間上去嘅就係呢間Cafe車仔聽過好多舊生都話好抵飲黎到見到架車仔已經比佢外型吸引叫咗杯玫瑰latte 見到佢用咁靚嘅擺碟已經心心眼😍加上價錢好平 一杯咖啡只係20幾蚊 真係好抵拎咗入canteen坐 好好味 咖啡好香濃 配合埋中大敬文書院嘅景色簡直一流

之前睇食評已經好想去試下，不過個位置不太方便，所以等到今日先去。 今朝突登揸車去中大食早餐。Coffee Lover 係canteen 門口嘅車仔舖，我地買左2杯咖啡，再係canteen 買all day breakfast 我無詳細睇Menu ,大部分咖啡都係一杯30蚊以下，係呢個市場算係非常優惠見到杯咖啡咁靚已經非常心心眼雖然咖啡味不是很濃，但係有誠意之作呢杯係Mocha 同Matcha Latte 🔽🔽 啲外貌真係好靚，唔捨得飲

Coffee lover位於敬文書院，上堂好少經過，但今次為咗試吓d飲品，特登搭校巴入去。叫咗杯mint latte，二十幾蚊有杯咁高質素既飲品真係性價比好高。拉花好用心，托盤嘅擺設亦都好靚。

身為中大舊生，失驚無神想回去中大遊覽，當然要一早找好想光顧的Ｃａｆｅ啦！好想來這間ｃａｆｅ很久了，今天終於有興致來到敬文書院的Ｃｏｆｆｅｅ　Ｌｏｖｅｒ！Ｃａｆｅ其實只是一架餐車，很美很美，Ｃｏｆｆｅｅ　ａｒｔ達人會為每一杯飲品裝飾，實在美的目不暇給，讓人說不出話。。。我們點了５樣東西，埋單都只是＄１１０！實在是物超所值！１。ｌａｔｔｅ好好飲，又濃又香，並不是金玉其外而已！２。ｌａｖｅｎｄｅｒ的芝士蛋糕！很香好濃ｌａｖｅｎｄｅｒ味！吃完一件都不會太膩呢！下次都必定ｅｎｃｏｒｅ！３。ｈｏｔ　ｃｈｏｃｏｌａｔｅ就沒有那麼突出了，可能要多加奶去畫花，所以朱古力味就不是太濃呢！４。ｄｏｎｕｔ～好香好味，不太甜，賣相一絕！５。　ｃｈｏｃｏｌａｔｅ　ｐｕｆｆ，　好大個！裡面有好多ｃｒｅａｍ，吃完好滿足呢！整個下午被這些美得賞心悅目的茶點包圍住，好幸福啊！希望好快有下一次，再試其他產品呢！

呢間咖啡店已經唔係第一次黎架啦因為啲咖啡好飲得黎，而且擺設又好精緻喎，所以都經常幫襯🤩🤩🤩🤩🤩不過outdoor位置得四張，如果坐滿左只能入indoor座，感覺就差少少店主好認真咁幫杯咖啡畫畫，令到成杯咖啡生色不少真係好有heart呀，重點係咖啡嘅價錢一啲都唔貴！

這家店可來歷不簡單，原來是國際咖啡師檢證審核員、全香港最知名和最初第一批咖啡老師（差不多全香港的咖啡師都是她的學生，超出兩萬多個咖啡師學生）和她傑出的學生們，受中文大學邀請而一起開的。中文大學學生太幸福了！以特別特別特別關愛的價錢就能享受超級世界頂級級別的咖啡。老闆們還會去世界各地找去試和選不同的咖啡豆再拿最好的咖啡豆去泡最棒的咖啡，特別自己調製和自己新鮮炒的。所以在coffee lover 喝的咖啡是獨特的，物超超超所值。賣相果然是超迂得人心的程度了。直接是instagram-worthy. 很多很多很夢幻的款式，還有不同風情的。賞心悅目的下午茶，放下急忙的腳步，忘掉煩惱。就是因為精心泡製的咖啡，無敵的獨特，嘗過肯定是難忘的。就是那份用心，從選咖啡豆到泡製到畫花，在嘴巴裡融化的時候，完全是完美的，才對得起追求完美的人生。我喜歡那清幽的環境，逃避吵鬧擁擠的城市，帶我的小腦袋去了一個小旅行。舒適地享受下午茶是人生忙裡偷閒的最好活動了。反正我就是會常再來呢，還會帶我那超級愛咖啡的媽媽來享受一下。期待她的反應呢！她應該會超級愛上這裡和這裡的咖啡的～對了就是老闆們友善得不得了，很好聊的。感覺很

去開沙田想坐下飲下咖啡，想到不如入中大行下順便呼吸下新鮮空氣。Coffee Lover 位於敬文書院，雖然吾係好就腳但佢既拉花咖啡都吸引到吾少人慕名而來。店舖只是以小型貨車改裝，得一個人充當收銀員加咖啡師，所以等得比較耐。男友同我分別點了Mocra同抹茶latte。雖然咖啡味味道比較淡，但拉花真的很美，見咖啡師真的很用心為每一杯拉出不同的圖案，再加上其他decoration ，看得出誠意十足。亦令人過了一個放鬆開心的下午。

Coffee Lover喺中文大學嘅敬文書院飯堂外去敬文書院唔算容易，一定要搭校車、仲要唔係條條線都去到（只有3同4號校巴先會經敬文）落車後過對面就見到Coffee Lover架咖啡車擺咗喺飯堂出面成個檔口只有老闆一個，一手包辦有賣唔同口味嘅咖啡、冬甩同埋其他小食價錢全部都平過街外咖啡店好多諗好就同老闆落單，叫咗個latte再加個冬甩，然後就企咗喺隔離睇老闆點樣精心製作咖啡唔同嘅咖啡會配合唔同嘅拉花同餐盤，唔知老闆接唔接受特別request，或者佢係根據自己心情而決定畫咩拉花同揀邊個餐盤老闆首先擺低咗個有音樂盒嘅餐盤，再轉身整咖啡，然後喺面前畫咖啡上面嘅花可能見無其他人排隊，佢好有心機咁畫咗成棵櫻花樹俾我～🌸而另外order嘅冬甩，個面除咗有朵花花，仲有玫瑰花碎、藍莓同果仁碎，就連裝冬甩嘅餐盤亦都有鋪咗啲花花，好賞心悅目～～將音樂盒上鍊，一邊嘆咖啡、一邊食冬甩、仲可以一邊聽住天空之城本來見啲野咁靚，諗住應該都係得個樣，對味道無期待點知咖啡濃郁幼滑，冬甩唔太甜好味，加埋超靚擺盤、悠揚樂聲～不枉我長途跋涉上來敬文朝聖！

之前朋友介紹這家擺盤很美的咖啡店今天和老公就順便去中大Canteen 食飯+潮聖囉☺️咖啡店就在敬文樓餐廳外面，是一個很可愛的車仔檔。光看店名就知道老闆都是對咖啡的愛好店子雖小，但是咖啡選擇很多，看看menu很多都很吸引。最後，我是選擇了名為 粉紅色的一生的 紅菜頭Latte ，一見到迷人的粉紅色我已經心心眼😍。最重要是我感受到老闆對每一杯咖啡都很用心的，加上咁靚的擺盤襯托，真的100 分👍🏻仲有其他味道的咖啡想試，希望下次有機會再來啦。

週六約了朋友來到中大敬文書院喝咖啡，在寧靜的大學校園享受一下悠閒的時光。在大學站出來後找3號校巴，或乘搭其他能到敬文書院的校巴，下車過對面，書院地下就是Coffee lover的小店。他們家的托盤很有童心，杯子的設計也是歐洲古典風，很有特色，光看著就覺得很放鬆，像走進了童話世界。☺️Cappuccino奶泡很綿密，咖啡味偏淡。美綠木糠布甸甜度剛好，裡面有香蕉，好吃喔！👍🏻朋友點的朱古力不夠濃，幸好甜度適中。抹茶千層蛋糕味道不錯啊！一杯飲品加一份甜品才四十元左右，大學以外不可能這麼便宜了！喝完咖啡還可以去逛逛天人合一，拍拍照，推介哦😇