更多
2024-09-27
1358 浏览
就算老夫老妻都要平时keep住有情趣,间唔时出去二人晚餐,培养感情。今日同爱人喺K11行完街之后,就想揾一间静啲比较有气氛同情调嘅餐厅食餐饭。跟住就发现到呢一间餐厅Lost Stars ,原来佢之前疫情期间喺新蒲岗开过,跟住宜家重新开幕喺尖沙咀商场呢度。餐厅环境入边就系空间咁比较大,枱住枱之间有足够距离,同爱人密密倾都会有私人空间。餐厅老板商将音乐元素带入餐厅,于是有一个表演舞台系中间,定时会有唔同嘅本地歌手驻场夹band 。情侣间如果想锯扒就可以嗌佢嘅晚餐set ,$288包一个汤、牛扒同埋饮品(可选择红酒或者酒精饮品一杯)。是日餐汤系薯仔汤个汤打到非常之诱惑,完全冇粒粒,仲好Creamy添。肉眼扒我哋选择咗五成熟,下边垫左南瓜、番薯,浓密嘅肉质伴碟。肉眼扒嘅牛肉肉质非常之稔,嫩滑食到佢平均既油脂香。记得要点埋佢个肉汁,非常之夹。外国人最钟意食薯条,咁就点一个比我嘅爱人食呢个黑松露薯条。薯条炸到好香脆,上边放咗好慷慨嘅黑松露酱,入口更加之香!仲有买芝士粉俾你配添层次味道!忌廉蟹籽日本带子双色意粉你可以见到佢系黑色墨鱼汁阔条面,配普通阔条面,黑白交配,互相辉映。个忌廉汁浓稠适中,可以令
今日同爱人喺K11行完街之后,就想揾一间静啲比较有气氛同情调嘅餐厅食餐饭。
跟住就发现到呢一间餐厅Lost Stars ,原来佢之前疫情期间喺新蒲岗开过,跟住宜家重新开幕喺尖沙咀商场呢度。
餐厅环境入边就系空间咁比较大,枱住枱之间有足够距离,同爱人密密倾都会有私人空间。
餐厅老板商将音乐元素带入餐厅,于是有一个表演舞台系中间,定时会有唔同嘅本地歌手驻场夹band 。
情侣间如果想锯扒就可以嗌佢嘅晚餐set ,$288包一个汤、牛扒同埋饮品(可选择红酒或者酒精饮品一杯)。
是日餐汤系薯仔汤
个汤打到非常之诱惑,完全冇粒粒,仲好Creamy添。
肉眼扒我哋选择咗五成熟,下边垫左南瓜、番薯,浓密嘅肉质伴碟。
肉眼扒嘅牛肉肉质非常之稔,嫩滑食到佢平均既油脂香。记得要点埋佢个肉汁,非常之夹。
外国人最钟意食薯条,咁就点一个比我嘅爱人食呢个黑松露薯条。
薯条炸到好香脆,上边放咗好慷慨嘅黑松露酱,入口更加之香!仲有买芝士粉俾你配添层次味道!
忌廉蟹籽日本带子双色意粉
你可以见到佢系黑色墨鱼汁阔条面,配普通阔条面,黑白交配,互相辉映。
个忌廉汁浓稠适中,可以令到汁挂咗喺每一条面上面,而且配衬埋脆卜卜爆汁嘅蟹籽,估唔到咁夹。
带子煎得两面金黄,啱啱好熟,口感完美。
浪漫嘅约会梗系唔少得两杯酒精嘅饮品一杯 Long Island同埋一杯Versace On The Floor为约会增添上完美嘅句号。
张贴