One More Hotpot 來一鍋 (已結業)

见个个人都话呢间野好抵食，所以一直都想来试试～于是择日不如撞日，咁岩约到朋友响热辣辣既天气底下都愿意陪我试下打边炉。当然要好好把握呢个机会我地一坐低，店员已经比咗两碟餐前小食，麻辣青瓜同云耳都好醒胃，味道唔错～我地两个女仔想滋补一下，所以叫咗花胶红枣鸡肉汤底，见到d花胶大大旧，真系觉得好兴奋，果然系真材实料，唔怪之d人话抵食而令我最惊艳既，一定系劲大劲新鲜既炸响铃我咁大个人都无响其他地方见过咁巨型既响铃，同个火锅汤羹一样长，绝对可以用黎打卡呃like最好既系，依个响铃绝对系有姿势，更有实际！有部分餐厅既炸响铃可能会因为放得耐或者炸得唔好而有阵油溢味，但呢道绝对无呢个问题，食得出响铃系新鲜炸起，脆卜卜又香喷喷除咗响铃以外，其他配料都好有水准，地点又方便，绝对系gathering既好地方，值得一食再食