Kuro Shabu (已結業)

朋友揾到份新工，就话要同我一齐食餐好嘅去庆祝下。拣来拣去，最终决定食我地无试过嘅高级日式火锅。Kuro Shabu系中上环一带，所以见到来呢度食晚饭嘅都有好多白领，呢度环境简约舒适，中间有开放式厨房，可以睇到师傅预备食材。呢度嘅食物款式贵精不贵多，以牛、猪为主，而每个锅亦会配菇同菜。我地坐系中间围住厨房嘅圆台，睇住师傅将一旧旧牛肉切片首先系A4黑毛和牛特选三款不同部位嘅A4和牛，食嘅时候可以较清楚尝到不同部位嘅和牛嘅肉质分别，或软或韧，口感一流！店铺里面仲有自家制作嘅麻酱同柚子醋，配以优质和牛，味道更正！之后到重头戏，就系Omakase Set，师傅安排嘅系A5和牛。师傅建议我地将和牛放落锅度渌2-3秒，渌到五成熟，而且仲讲究进食嘅次序，首先系上肩肿肉，然后肋肉眼，最后西冷，咁样先最能够尝到牛肉嘅不同质感同鲜味。A5和牛一入口，果然嫩滑无比，完全系入口即融嘅感觉，系日式火锅必食之选！除左和牛之外，仲有食到黑萨摩鸟鸡肉同黑豚肉，都十分优质，值得一试！转配嘅稻庭乌冬弹牙爽口！最后甜品有一个抹茶雪糕，茶味非常浓郁！