影片
更多
2014-06-01
2509 浏览
先前在大成街熟食中心试过全记发仔， 仲写左一篇……好料 斗庸厨，昨天老妈生日，一般酒楼无乜惊喜，成二十人自己煮更烦， 所以拣左这里， 网上对天祥顺德美食评价唔错， 所以早三日放工就开车去订位， 更预订左几个菜， 为表诚意更落订金500大元。 当日见到个老板张先生，是一个70左右既老人家， 为怕唔记得所以每个预订菜都用笔写低。订既都系必食菜式：均安蒸猪肉二碟八宝鸭一只葱油鸡一只煎酿鲮鱼两条鱼茸羮两锅原本计划 ，早d去街市睇下有乜好嘢海鲜， 再加上预订既菜式就相当丰富啦。订左7点， 我四点半就系大成街买海鲜， 结果买左鲍鱼20只， 美国生蚝四筒， 花青龙虾两只共三斤半， 杂鱼仔两盆， 见到一种叫龙须菜既青菜， 买左个一斤半煮鱼汤浸菜，鱼方面买了条半海黄立仓。甜品方面，我想搞d新生意思所以带左d朱古力粉( 上次大女儿从英国带回来)， 想叫佢加入大良炸鲜奶入面， 比d惊喜大家， 但系原来要早一日雪鲜奶， 所以唯有当朱古力粉系糖霜伴炸鲜奶来食。昨日7点半先齐人， 有两个临时有事不能来， 原本订两围后来改为一张大枱，更加高兴：先上已所有预订菜式：均安蒸猪肉先上， 其实买相好似酒楼嘅烧腩仔， 但系佢
订既都系必食菜式：
均安蒸猪肉二碟
八宝鸭一只
葱油鸡一只
煎酿鲮鱼两条
鱼茸羮两锅
原本计划 ，早d去街市睇下有乜好嘢海鲜， 再加上预订既菜式就相当丰富啦。
订左7点， 我四点半就系大成街买海鲜， 结果买左鲍鱼20只， 美国生蚝四筒， 花青龙虾两只共三斤半， 杂鱼仔两盆， 见到一种叫龙须菜既青菜， 买左个一斤半煮鱼汤浸菜，鱼方面买了条半海黄立仓。
甜品方面，我想搞d新生意思所以带左d朱古力粉( 上次大女儿从英国带回来)， 想叫佢加入大良炸鲜奶入面， 比d惊喜大家， 但系原来要早一日雪鲜奶， 所以唯有当朱古力粉系糖霜伴炸鲜奶来食。
昨日7点半先齐人， 有两个临时有事不能来， 原本订两围后来改为一张大枱，更加高兴：
先上已所有预订菜式：
均安蒸猪肉先上， 其实买相好似酒楼嘅烧腩仔， 但系佢系蒸 而且用五花肉， 这个菜的源流系顺德均安蒸全猪， 我估计张老板应该在顺德乡下学过， 蒸猪肉时要放一杯酒在锅内， 所以肉香酒香融为一体， 大家一致叫好。 跟住上两条煎酿鲮鱼， 可能一次过做定好多条备用， 食起来有点喊，但弟弟却表示酿在鱼身内既鱼肉好结实，好有口感。
再上系八宝鸭， 原来系一个汤菜， 鸭身内既馅料非常丰富， 慢煮既时间非常够， 鸭肉香软汤水鲜甜，弟弟连鸭颈都食埋，馅料中栗子特别香甜， 可谓招牌菜。这功夫菜现在已无人肯做，据知【莲香楼】还有供应，要预订先有得食。
跟住上竟然间系 甜品？？ 其实系炸鲜奶， 只不过用左朱古力粉当糖霜点来食。 我无得食， 因为比小朋友同女士们枪哂， 事后我阿妹话， 佢个仔非常中意。
甜品之前其实上过两大锅鱼茸羹， 每人超过两碗， 但系最后都差不多清哂， 显示师傅顺德菜功底深厚。 后来更发现葱油鸡无上， 原来张老板先前订菜时写漏左。
下半集系海鲜：
先上炸生蚝， 由于大细不—， 所以大只熟得刚好， 细只既就有点过火， 非炸之罪。再上两碟海黄立仓， 重四斤半， 受佢地养殖兄弟所累， 每两只叫价3蚊，—共只收我215， 重送多两个鱼头俾我 。 用榄角椒丝蒸， 顺德佬用左 港式蒸鱼方法， 只加左原只榄角同椒丝，但效果唔错。我吃了半个鱼头，鱼汁味黏且浓在嘴内不停回荡，大家最后都只吃剩中间大骨。
椒盐鲍鱼， 有过熟既感觉， 入口有点韧不过可接受。
鱼汤浸菜， 唔够姜， 汤水变成有点鱼腥味， 龙须菜本身又有点过老， 唔系过火那种老， 最后剩一半。
最后想既系上汤龙虾伊面底，全晚煮得最差既菜式，第—刀功有问题， 块块大细不一， 估计佢又无上粉就下锅 ， 肉汁收得唔好 ，所以煮出来水流流， 龙虾肉甜味流失， 伊面又吸收唔晒d肉汁。
总结顺德佬应该系缺少煮海鲜既training， 埋单加工费连预订菜式只一千五百大元。
连海鲜料钱每人不到一百五十元。超值！We will be back.
题外话/补充资料：
服务非常贴心， 帮我雪左一个大西瓜， 切埋比我地食
(以上食记乃用户个人意见 , 并不代表OpenRice之观点。)
张贴
