祺森冰室

营业中

休息中

得闲行下坪洲，见啲人话呢间虾多士出名，虽然见其他人post出嚟个样唔多似以前见过个啲，不过都去试吓，总之好食就得。主角出场，原来系将虾蓉沙律放系二块面包中间，然后两面沾面包鏮炸。呢个食法我未试过，食落有啲洒家似海鲜沙律卷。食落有啲失望，无香虾味不特止，仲有少少亨腥味，估计打虾蓉时无先将虾肉整干身，经过一日时间就出事。而且同我认知既虾多士差甚远，所以有啲失望。朋友叫个吉列猪扒配咖喱饭，又系正正常常一般野，不过价钱就唔值。另外叫咗个猪扒三文治，好在猪扒够大，而且有啲配料系中间，好过其他一般茶仔嘅做法，呢度加返少少分啦如果呢间野系以呢个虾多士做招牌，我就未必山长水远过嚟食，建议佢整返只虾系面做下装饰，如果唔系你话海鲜沙律三文治都有人信。