影片
更多
2023-05-02
184 浏览
伊利近街系中环我最钟意嘅一条街，餐厅好多，之前有间意大利菜（可惜已经执左），有cultivate，有间几好嘅日式居酒屋，基本上一条好短嘅街，有著唔同嘅国家风情。须佐之男系朋友介绍，原来呢间餐厅喺呢度已经开咗两年，但系完全唔觉，可能呢一年都已经少系呢头蒲，完全察觉唔到呢度有间咁好嘅嘢。睇返啲旧相呢度可以有好多outdoor area枱，夜晚喺呢个开放式嘅居酒屋食饭饮酒气氛应该好好，食完之后我相信应该可以约中环嘅朋友嚟食吓晚饭。呢度得一个师傅，佢放弃左事业，追寻梦想，原来系因为佢好钟意食一间日本菜，钟意食到跟左个厨学师，然之后开咗一间咁嘅居酒屋。听完都觉得几励志，当我再睇返师傅好钟意𠮶间日本餐厅之后，我除咗好想去𠮶间试吓个间日本餐厅，仲好惊叹原来有人钟意食嘢钟意到呢个地步，唔好讲咁多，睇下啲野食先。前菜已经系几令人醒神之作A5梦之和牛他他，个种牛味嘅浓可以话系难忘之数一数二。唔可以话食完好精彩，但川葱蛋花清鸡汤个种感觉叫人有种家的温暖，呢个开头感觉真系成个人温暖哂。呢度嘅串烧用上了军鸡，当晚食左鸡翼、鸡掌心、鸡心，三串串烧。鸡翼系最出色，个晚水准烧得比Yardbird更强，鸡掌心应该大家都
伊利近街系中环我最钟意嘅一条街，餐厅好多，之前有间意大利菜（可惜已经执左），有cultivate，有间几好嘅日式居酒屋，基本上一条好短嘅街，有著唔同嘅国家风情。
须佐之男系朋友介绍，原来呢间餐厅喺呢度已经开咗两年，但系完全唔觉，可能呢一年都已经少系呢头蒲，完全察觉唔到呢度有间咁好嘅嘢。
睇返啲旧相呢度可以有好多outdoor area枱，夜晚喺呢个开放式嘅居酒屋食饭饮酒气氛应该好好，食完之后我相信应该可以约中环嘅朋友嚟食吓晚饭。
呢度得一个师傅，佢放弃左事业，追寻梦想，原来系因为佢好钟意食一间日本菜，钟意食到跟左个厨学师，然之后开咗一间咁嘅居酒屋。
听完都觉得几励志，当我再睇返师傅好钟意𠮶间日本餐厅之后，我除咗好想去𠮶间试吓个间日本餐厅，仲好惊叹原来有人钟意食嘢钟意到呢个地步，唔好讲咁多，睇下啲野食先。
前菜已经系几令人醒神之作A5梦之和牛他他，个种牛味嘅浓可以话系难忘之数一数二。
唔可以话食完好精彩，但川葱蛋花清鸡汤个种感觉叫人有种家的温暖，呢个开头感觉真系成个人温暖哂。
呢度嘅串烧用上了军鸡，当晚食左鸡翼、鸡掌心、鸡心，三串串烧。鸡翼系最出色，个晚水准烧得比Yardbird更强，鸡掌心应该大家都无乜点见过，玩味好浓，鸡心烧得好生，爱呢个texture应该会好钟意。
有第二个扬物做前菜，松叶蟹海胆薯蓉球，虽然个样唔系好靓，但系食落去口感强烈浓郁。
主菜试两个饭我觉得有少少奇怪，不过食完我就明，日式叉烧香葱猪油饭同樱花木烟熏香辣牛舌饭 ，决一不可。前者嘅叉烧就好似拉面舖嘅叉烧一样肥都可以话系入口即溶，但系佢烧过之后个香气令人好难忘，最重要加咗佢秘制嘅辣椒酱，捞埋个饭，好夹。而换左主角系樱花木烟熏香辣牛舌，好食内脏应该会更开心，你问我两个会拣边个，我会两个都要。
尾声的日本烧芝士年糕，听讲系师傅拿手好戏，不过可能当晚太闷，水准相对冇想像中咁好，不过年糕都非常烟韧无比。
虽然唔系食咗好多嘢，但系食到师傅嘅心机，最重要系可以欣赏到佢追寻梦想𠮶个勇气。
张贴
