影片
更多
2019-05-07
621 浏览
今年提早一星期食母亲节饭，三天前仍book 到"母亲节全包宴", 因为得9人，我地拣左颂慈宴。提早落订，仲可以全单减$100。惊唔够食，所以叫多左个叉烧例牌，不过不失，个人钟意食肥dd, 呢个偏瘦，我觉得干左d,但其他屋企人觉得味道不错。黄金蟹肉虾球伊面卖相吸引，但味道失色左d, 伊面好"淋", 个sauce 只有咸味，非常普通。烧鹅皇半只都是可接受的水准，唔会特登来食烧鹅，有油香，不过都系偏干身。翡翠炒龙趸球呢道菜出奇地岩食，味道算不错，鱼骨少，食落啖啖肉，岩送饭食。西兰花带子炒螺片都系好味ge, 份量够，西兰花够"淋" 。席间仲有陈皮蒸龙趸 & 花胶汤，因为挂住食所以无影相，两道菜都值得一试，尤其是个汤，好浓，感觉好足料去煲，唔觉得重味精。最后就系蟠桃包，小朋友至爱，成餐饭都系等佢ga ja。莲蓉足份量，不过可惜无咸蛋黄🤣服务：部长，传菜都好忙，未必可以即时见到你，不过系好有礼貌的。上菜非常快，叫上菜15分钟内上左6道，不过节日的全包宴都预左快快食完就要走。我地因为9人，比原订的8人餐多一位，就收多左一个人的茶介&加一。总括而言，呢个价钱的食物质素&服务我认为在合理水平，因为有食过
惊唔够食，所以叫多左个叉烧例牌，不过不失，个人钟意食肥dd, 呢个偏瘦，我觉得干左d,但其他屋企人觉得味道不错。
黄金蟹肉虾球伊面
卖相吸引，但味道失色左d, 伊面好"淋", 个sauce 只有咸味，非常普通。
烧鹅皇半只
都是可接受的水准，唔会特登来食烧鹅，有油香，不过都系偏干身。
翡翠炒龙趸球
呢道菜出奇地岩食，味道算不错，鱼骨少，食落啖啖肉，岩送饭食。
西兰花带子炒螺片
都系好味ge, 份量够，西兰花够"淋" 。
席间仲有陈皮蒸龙趸 & 花胶汤，因为挂住食所以无影相，两道菜都值得一试，尤其是个汤，好浓，感觉好足料去煲，唔觉得重味精。
最后就系蟠桃包，小朋友至爱，成餐饭都系等佢ga ja。莲蓉足份量，不过可惜无咸蛋黄🤣
服务：部长，传菜都好忙，未必可以即时见到你，不过系好有礼貌的。上菜非常快，叫上菜15分钟内上左6道，不过节日的全包宴都预左快快食完就要走。
我地因为9人，比原订的8人餐多一位，就收多左一个人的茶介&加一。
总括而言，呢个价钱的食物质素&服务我认为在合理水平，因为有食过差的，屋企人都一致话好食过区内其中一间新开的酒楼。考虑中的朋友，我觉得可以一试。
张贴
