雲壽司 (聯成商業中心)

营业中

休息中

见到OpenRice有预付套餐做优惠，就买咗个二人餐谂住试试。本身都唔算好大期望，因为都觉得呢啲套餐唔会比咩好嘢你食，同埋份量会细，所以觉得都还好，质素符合意料之内，反而意外嘅系比想像中食得饱。套餐所有嘢一次过上晒，寿司然后沙律之后刺身 ，两个丼饭同面豉汤，都系5分钟内上齐晒。其实呢个食评都唔知写乜好，所有嘢都正常普通，唔好食亦都唔难食，无野值得highlight或者批评。唯一嘅意见就系所有嘢同时上，枱会有少少迫。然后有个丼饭系鳗鱼饭，如果可以食咁啲嘢先上就唔使摆到冻晒，同埋鳗鱼饭个饭照用寿司醋饭，有少少奇怪，可以转返普通白饭会更好。可能好多饭嘅关系，食晒都好够饱。