西貢餐室

营业中

休息中

入西贡游水，之前成日都经过呢度就系冇为意呢一间茶餐厅。听闻佢啲嘢食唔错，所以就专登游水之前过嚟食少少嘢先。始终第一次嚟试唔知佢水准如何，佢啲泰国炒粉面都价钱偏高。但系又想食佢啲炒嘢，所以嗌咗个咖喱炒饭试吓先。等咗一阵个咖喱炒饭就到，新鲜热辣仲出紧烟都几期待。但系食落去第一口嘅时候冇咖喱味，再食多一啖都系冇落盐咁样，不过个炒饭就差得几干身。味道同我想像中嘅咖喱炒饭都有几大嘅出入。杯斋啡就正正常常。我就觉得可以下次试埋佢个泰式炒粉面先至知系咪自己对佢期望过高。