武館 (已結業)

话说就快黎到六月份，将会有一个好重要嘅日子，就系女朋友生日啦！由于女朋友从未食过厨师发板嘅关系，经朋友介绍喺大角咀呢间餐厅，真心好食同特别，因为同出边嘅厨师发板有啲唔同，呢度会刺身为主。今次晚餐有30多款式，包括左刺身、寿司、小食、汤物。枝豆食到停唔到口，豆味浓郁清甜，略有一点咸味。海鞘味道非常独特，入口鲜甜但带有一点特别的苦涩味，味道略为浓烈，口感清爽。牡丹虾粉红通透，胶质重啖啖肉虾味浓，入口散发甜清香，啖啖肉富有口感，而且虾头虾膏够晒多，味道鲜甜。先讲明，本人平日好憎食苦瓜，但将这碟冲绳苦瓜完全K.O.而且在想encore，味道咁咁甜甜，绝对唔会有苦涩味，口感非常清爽咀嚼时发出爽脆的声音。关池鱼口感特别弹牙和爽口，肥美润泽口感丰富，而且特别鲜甜。拖罗感觉非常邪恶，入口即溶肉质油润软清，颜色呈粉红色，鱼味丰富口内散发着清甜。鱼汤乌冬，汤底超级清甜，乌冬连汤完全清晒。