影片
更多
2008-09-29
29 浏览
是日为预祝阿K牛一，一如以往，我同佢一齐食番餐好嘅。今次嘅主题系铁板烧，受较早前阿苏嘅节目影响，我地去咗位于湾仔万丽酒店嘅松菱食LUNCH SET。讲起铁板烧，除咗松菱之外，以前响铜锣湾仲有一间千登世，年前结业后，变身成宜家嘅和三味，水准能否保持仲未考究。松菱系比较高消费场所，而且系日本食肆，银码骤眼睇起嚟一啲都唔平，但考虑埋食材嘅质素，真系物有所值。如果食LUNCH SET嘅话，咁就更加物超所值喇。响香港舍得食嘅人唔少，要食铁板烧LUNCH SET，又要坐到好位置，一定要预约了。我地嗌咗一客「松」SET、一客「梅」SET及一客SASHIMI。「松」SET系最丰富嘅，包括大虾、日本和牛、三文鱼、炒野菜和炒饭(或炒面)；「梅」SET冇咗海鲜，牛肉转用美国牛肉。阿K唔食牛，转用黑豚肉，价钱都系一样。今次我稍为失策，食日本和牛，竟然叫口咗薄切。和牛肉质嫩滑但肉味不浓；相反美国牛味浓但肉质冇和牛咁嫩滑，所以食和牛应该厚切，美牛要薄切。不过唔紧要，和牛不愧为和牛，入口即溶，加上爆香咗啲蒜头和葱粒，令我食完一口又一口；黑豚肉选料也十分上乘，一点肉根都冇。三文鱼本来唔系好食嘅品种，原本都不存厚望，果
我地嗌咗一客「松」SET、一客「梅」SET及一客SASHIMI。「松」SET系最丰富嘅，包括大虾、日本和牛、三文鱼、炒野菜和炒饭(或炒面)；「梅」SET冇咗海鲜，牛肉转用美国牛肉。阿K唔食牛，转用黑豚肉，价钱都系一样。今次我稍为失策，食日本和牛，竟然叫口咗薄切。和牛肉质嫩滑但肉味不浓；相反美国牛味浓但肉质冇和牛咁嫩滑，所以食和牛应该厚切，美牛要薄切。不过唔紧要，和牛不愧为和牛，入口即溶，加上爆香咗啲蒜头和葱粒，令我食完一口又一口；黑豚肉选料也十分上乘，一点肉根都冇。三文鱼本来唔系好食嘅品种，原本都不存厚望，果然亦都冇比我任何惊喜;大虾十分新鲜，有好多肉膏，师傅嘅手法干净利落，用牛油、一点清酒等做成嘅汁淋上虾身再焗，十分入味，虾肉亦好爽脆。炒野菜芽菜太多，我不明所以；炒饭就十分出色，炒出嚟嘅饭系一粒粒嘅。一边品尝美食，一边欣赏师傅熟练嘅手法，纯熟地将食材一一「玩弄」于股掌之中，真是赏心悦目。
本来我以为松菱出名嘅只系铁板烧，原来SASHIMI同样咁出色，主要系要归功于买手选购食材高质素，尤其是剑鱼肥瘦适中，我同阿K从未食过咁好食嘅剑鱼，螺片亦十分爽脆，系一等货式。其他如三文鱼、牡丹虾一般，其他地方都可轻易做到。
服务体贴，唯一要投诉就系食铁板烧嘅地方比较窄，阿K连放手袋嘅地方都欠奉。「松」四百余、「梅」一百二十余、SASHIMI拼盘四百余，连加一共一千一百几。人均消费六百有找，如果换转系晚饭，同样食物人均可能要超过八百蚊一位了。
张贴
