影片
更多
2023-01-09
774 浏览
我谂唔系因为我表妹，我都唔会有机会试呢间预约困难店大坑我经常嚟，不过只限日头居多，所以呢间外表黑蚊蚊主打食steak嘅店铺，更加唔会系我食dinner嘅选择list入面。大乡里先知原来食扒都有Omakase。因为我表妹就住喺间舖隔离，所以佢哋黎嘅次数都相当频密下，可以话系其中一间饭堂添。听讲佢哋由以前嘅细铺睇仔食到而家咁大间舖，同老板老板娘熟到唔熟添啦。所以所有嘢都有由表妹同佢老公话事，我哋嚟到坐低就有得食㗎啦！因为今次带埋两个长辈嚟，本身谂住嚟食庆功宴，点知变咗短暂的庆祝活动，唔紧要啦都系一个藉口大家一家人食餐饭姐，不过今次食西餐就比较特别啲，平时多数都系饮茶食中菜居多！食咩头盘主菜、side dish 其实其他食评应该写得仲详细过我，所以我一切从简净系写啲我有深刻印象㗎啦！ 佢个汤同埋自家制蒜蓉包系我觉得最吸引嘅一上枱大家以为系南瓜汤，点知老板娘叫我哋饮完之后讲返啲材料出嚟，先发现原来系甘笋薯仔南北杏汤。将中式嘅汤水演变成西式嘅presentation！仲要冇落cream已经做到厚身嘅Texture🫶🏼再加埋自家制蒜蓉包🥰🥰其实饮完个汤食咗个包，之前再食咗一碟好香嘅樱花虾沙律，跟住
大坑我经常嚟，不过只限日头居多，所以呢间外表黑蚊蚊主打食steak嘅店铺，更加唔会系我食dinner嘅选择list入面。
大乡里先知原来食扒都有Omakase。因为我表妹就住喺间舖隔离，所以佢哋黎嘅次数都相当频密下，可以话系其中一间饭堂添。听讲佢哋由以前嘅细铺睇仔食到而家咁大间舖，同老板老板娘熟到唔熟添啦。所以所有嘢都有由表妹同佢老公话事，我哋嚟到坐低就有得食㗎啦！
因为今次带埋两个长辈嚟，本身谂住嚟食庆功宴，点知变咗短暂的庆祝活动，唔紧要啦都系一个藉口大家一家人食餐饭姐，不过今次食西餐就比较特别啲，平时多数都系饮茶食中菜居多！
食咩头盘主菜、side dish 其实其他食评应该写得仲详细过我，所以我一切从简净系写啲我有深刻印象㗎啦！
佢个汤同埋自家制蒜蓉包系我觉得最吸引嘅一上枱大家以为系南瓜汤，点知老板娘叫我哋饮完之后讲返啲材料出嚟，先发现原来系甘笋薯仔南北杏汤。将中式嘅汤水演变成西式嘅presentation！仲要冇落cream已经做到厚身嘅Texture🫶🏼再加埋自家制蒜蓉包🥰🥰
其实饮完个汤食咗个包，之前再食咗一碟好香嘅樱花虾沙律，跟住再嚟一大兜薯条同埋蘑菇，我已经有七成饱🤭主菜都未上
之后嘅牛扒有几款选择，最终我都系偏好澳洲和牛，软淋啲虽然系比较肥。肉味较浓嘅就好有咬口，应该啱男士多啲。
最尾梗系唔少得甜品啦，不过我就觉得冇乜惊喜，当你发现原来佢连点薯条既酱汁都系自家制、个汤又咁特别嘅同时，点可以唔期待佢个甜品呀？可惜⋯⋯
虽然我食完成餐饭都唔知个价钱，不过我睇返其他食家嘅食评，大概都知道每位承惠$600！
其实应该系饮啲酒嘅，我唔系好饮得不过呢啲环境气氛底下少少无妨，可惜今次同啲长辈就⋯⋯
讲真我又未必会专登再嚟，可能我个人唔系好「好」食扒，不过Anyway都好多谢我表妹同佢老公嘅好介绍，全靠佢我先有得入嚟试吓。
有几点如果大家想嚟食嘅话要留意番
（1）佢呢度好好唔收开瓶费
（2）每个月会开放俾你地上网book位，唔可以Walk in 㗎！
（3）冇限时，所以基本上每晚只系做1 round
(4) 预咗book几多位就要confirm啦，如果唔系人哋好难帮你预啲食材㗎
（5）沙律🥗同薯条可以refill，其他就sorry 喇
PS 真系识人好过识字😙
17 浏览
0 赞好
0 留言
Mushroom
8 浏览
0 赞好
0 留言
11 浏览
0 赞好
0 留言
10 浏览
0 赞好
0 留言
脆脆樱花虾沙律
13 浏览
0 赞好
0 留言
甘笋薯仔萝卜南北杏汤配自家制蒜蓉包
15 浏览
0 赞好
0 留言
张贴
