豚神 (已結業)

今日去IKEA买野，所以黎左Mega Box。一直好想试Ramen Champion，但系佐敦太唔方便，咁岩见到呢到有，即刻要去试试。系好有日式风味既范围，入场会俾张卡黎，买拉面就用呢张卡，食完走之前就拿张卡去俾钱，都几方便。每一间都好落力叫卖自己有咩特色，行左一个圈先好决定到食边间。落完单就会俾只UFO既物体你，可以拎野食UFO就会闪灯，咁就坐到远都唔怕听唔到叫号码啦。我就试左呢间双份豚肉拉面因为我好想食肉既关系，见到双份就即刻叫呢个。因为其他拉面只系得2、3块叉烧。真系有唔少豚肉，食极都食唔完，肉够嫩滑。只蛋我只觉得太生，完全唔拎唔起食，只可以系搅烂佢送面。面条我觉得太硬，不过都好味过连锁拉面店果啲。浓底我略嫌淡左少少，可以浓味啲会更好。环境颇有日本风味，不错的尝试。