農家菜館 (已結業)

本身自己未食過農家菜，今次係跟啲朋友一齊入藍地試，五個人叫左個四人餐，已經有粟米羹、菜、農家雞、魚同埋飯，農家雞個人覺得同普通雞無咩分別但係好似無咁肥，不過粟米湯同魚真係好好味，粟米湯好明顯唔係啲咩罐頭湯，魚亦都煎得脆卜卜，連唔食魚既朋友都食左啲，最最最令我impressed既係佢個飯，唔係普通咩絲苗白飯，而係有加到紅米糙米粟米同南瓜落去，雖然好大碗，但因為太好食，我全部食哂！下次有機會入到藍地一定一定會再黎食！