My Burger (東廣場)

营业中

休息中

观塘出晒名多工厦，但除左工厦之外呢都有唔少美食，今次介绍观塘一间食物水平高既汉堡店，佢既价钱亦都唔算太贵，值得一试。😈-✨德州烟熏牛肉汉堡 $65（跟餐配薯条&餐饮$20）汉堡既size岩岩好，一啖可以食到晒所有材料。烟肉煎到非常之脆，牛肉系用坑纹铁板黎煎，有少少焦香味，就咁睇都仲可以见到啲坑纹😋，牛肉唔算好厚但系肉汁好丰富。配料除左有蕃茄、生菜仲加埋德州辣酱系入面，惹味得黎亦都好够辣。-✨芝士烤鸡汉堡 $52鸡扒烤得好嫩滑，味道方面岩岩好，又唔会腌得太过咸。配埋沙津菜同芝士几match，配料仲有煎蛋同番茄，食完成个唔会太腻👍🏻另外，薯条炸得几脆，但薯肉唔够多，有唔少条薯条食落都好似空心咁，唔系好满足。餐饮方面，是但叫左两杯热饮黎试，用现成茶包冲既，麻麻地但解油腻都唔错。-依间汉堡店既食物水准算系几高，而且汉堡既选择都非常多，又有鸡、牛、猪、海鲜等，甚至仲有埋素食汉堡🍔。野饮小食亦都系有好多选择，人均消费大概$70到，经过观塘既朋友不妨试一试。