文輝墨魚丸大王

营业中

休息中

同大少匆匆忙忙去铜锣湾，因为赶时间，我哋求其食，入咗去文辉。上次食文辉，差唔多都已经有10年前响中环分店。我叫咗个紫菜墨三鲜河，大少要咗个双丸河。所谓墨三鲜，即系墨鱼头，墨鱼须，同墨鱼丸。大少叫咗紫菜双丸河，即系墨鱼丸，同埋唔知乜嘢丸🤷‍♀️。其实我啲墨鱼须同埋墨鱼头都冇乜味道，大少个碗双丸河亦都冇乜特别，亦冇乜味道。只可以用一个字你形容，大碗，一定会食得饱。食下食下，我都问大少，我话你觉唔觉得食紧颓面一碗，冇乜味道，得个饱字。后记：疫情关系，其实为咗顾客安全，我觉得唔应该比搭枱。食碗面都系讲紧15-20分钟，食完就走，都唔会霸住佢张枱。但系我哋食到一半，张枱明明只够坐两个人，佢都要俾一个陌生女人坐落嚟搭枱，中间亦都冇比一块板我哋隔住，完全冇谂过顾客嘅安全。本身已经颓面一个，亦唔理顾客安全比搭枱，所以我俾劣评👎。