影片
更多
2024-05-05
746 浏览
其实唔系第一次食牛角，食物系点都唔太需要评论，食开都知有咩食同食物质素、价钱如何。但今次特登写食评系因为餐厅中两位男职员实在太好人，我同家人食紧时，店中有两位穿恤衫嘅男职员已经非常殷勤服务。随后离开后发现爸爸唔见咗把日本买嘅缩骨遮，爸爸立即返回寻找，两位男职员帮佢揾枱揾凳揾地下，出动埋手机电筒周围照，但都冇揾到。之后可能爸爸个样实在太愁，高高瘦瘦𠮶位男职员竟然提出可以帮我哋睇CCTV，睇到坐低后，爸爸把遮喺个袋边，之后真系唔知点解不翼而飞。职员帮我哋睇晒成段CCTV ，都揾唔到究竟把遮几时唔见，但就表明佢哋收店后清理会再揾一次，如果揾到就打返俾我 (book枱时有留电话)。本来都唔抱咩期望，点知夜晚11点几真系收到职员通知，话揾返把遮，叫我哋有时间返去攞！爸爸真系喜出望外，虽然只系把遮，但因为佢喺日本自己精挑细选买，超轻便，佢非常钟意。真系非常感激两位职员咁尽力帮我哋揾把遮，讲真呢啲真系额外嘅服务🙈，只系小小一把遮，但因为爸爸嘅难过样佢地就咁帮忙，真系好感激！是次牛角套餐选了Level 2，包括美国和牛及王样，和牛肉质非常松软多汁，而且脂肪分布平均，王样腹胸肉整块没有脂肪层，但肉质软度
但今次特登写食评系因为餐厅中两位男职员实在太好人，我同家人食紧时，店中有两位穿恤衫嘅男职员已经非常殷勤服务。
随后离开后发现爸爸唔见咗把日本买嘅缩骨遮，爸爸立即返回寻找，两位男职员帮佢揾枱揾凳揾地下，出动埋手机电筒周围照，但都冇揾到。之后可能爸爸个样实在太愁，高高瘦瘦𠮶位男职员竟然提出可以帮我哋睇CCTV，睇到坐低后，爸爸把遮喺个袋边，之后真系唔知点解不翼而飞。
职员帮我哋睇晒成段CCTV ，都揾唔到究竟把遮几时唔见，但就表明佢哋收店后清理会再揾一次，如果揾到就打返俾我 (book枱时有留电话)。
本来都唔抱咩期望，点知夜晚11点几真系收到职员通知，话揾返把遮，叫我哋有时间返去攞！爸爸真系喜出望外，虽然只系把遮，但因为佢喺日本自己精挑细选买，超轻便，佢非常钟意。
真系非常感激两位职员咁尽力帮我哋揾把遮，讲真呢啲真系额外嘅服务🙈，只系小小一把遮，但因为爸爸嘅难过样佢地就咁帮忙，真系好感激！
是次牛角套餐选了Level 2，包括美国和牛及王样，和牛肉质非常松软多汁，而且脂肪分布平均，王样腹胸肉整块没有脂肪层，但肉质软度不输和牛，有质感但同时软熟。
套餐包含的带子体积虽然偏小，但每次要二至三份的话都以大锡纸兜提供，牛油烧起来非常入味。
张贴