影片
更多
2023-11-16
50 浏览
行完荔枝角大型超市，被超市门口一间烧肉店吸引住，见到里面用列车送餐咁得意，就同朋友冲咗入去食烧肉～套餐劲多选择，眨吓眼，我哋就叫到成枱都系食物，首先当然系最吸引嘅和牛套餐啦！［1++韩牛日韩极上套餐］本来想要$288嘅300g，点知原来150g份量已经有咁多！呢个餐可以试匀晒1++韩牛前腿肉、宫崎A5和牛肉眼盖、宫崎A4和牛三角腩，其中要特别介绍三角腩（又名肩胛小排），油脂分布均衡，职员仲特别教路烧一烧、加少少盐花，生生地咁食系最好食。再散叫［宫崎A4和牛肩肉50g］，试匀晒所有和牛，每一款都好好食～根据以往经验，我同朋友本身都担心油花劲嘅和牛会好肥好漏，会好似食肥膏咁一味得个油字。点知呢度嘅宫崎和牛，油花分布啱啱好，入口甘香牛味，唔会俾d油脂抢晒味，简直颠覆我哋对和牛嘅印象！朋友已经话下次要带男朋友嚟再叫～成个set都好高级，垫底嘅肉系用紫苏叶，紫苏香气同烧肉非常夹，大家可以考虑好似我咁食埋块叶㖞！另外我再叫咗我嘅最爱［薄牛舌100g］，平时去开嘅烧肉店，都系一块好「弹牙」嘅肉片，呢度嘅牛舌真系食到浓郁肉味，又唔会咬极唔烂，正！虽然我哋仲叫咗生菜用嚟夹肉食，谂住夹菜冇咁肥腻，但因为啲
套餐劲多选择，眨吓眼，我哋就叫到成枱都系食物，首先当然系最吸引嘅和牛套餐啦！
［1++韩牛日韩极上套餐］
本来想要$288嘅300g，点知原来150g份量已经有咁多！
呢个餐可以试匀晒1++韩牛前腿肉、宫崎A5和牛肉眼盖、宫崎A4和牛三角腩，其中要特别介绍三角腩（又名肩胛小排），油脂分布均衡，职员仲特别教路烧一烧、加少少盐花，生生地咁食系最好食。
再散叫［宫崎A4和牛肩肉50g］，试匀晒所有和牛，每一款都好好食～
根据以往经验，我同朋友本身都担心油花劲嘅和牛会好肥好漏，会好似食肥膏咁一味得个油字。点知呢度嘅宫崎和牛，油花分布啱啱好，入口甘香牛味，唔会俾d油脂抢晒味，简直颠覆我哋对和牛嘅印象！朋友已经话下次要带男朋友嚟再叫～
成个set都好高级，垫底嘅肉系用紫苏叶，紫苏香气同烧肉非常夹，大家可以考虑好似我咁食埋块叶㖞！
另外我再叫咗我嘅最爱［薄牛舌100g］，平时去开嘅烧肉店，都系一块好「弹牙」嘅肉片，呢度嘅牛舌真系食到浓郁肉味，又唔会咬极唔烂，正！
虽然我哋仲叫咗生菜用嚟夹肉食，谂住夹菜冇咁肥腻，但因为啲肉太靓又唔会肥，最后啲菜就咁俾我空口食，每片菜都好新鲜好靓，完全唔涩，非常新鲜～
饮品方面当然要试特别啲嘅，米浆饮系用韩国嘅玄米同大米制成，我之前都喺韩国餐厅叫过，收到贵一贵但得细细杯。Bingle Bingle大大支送上嚟，竟然都只系收$20，价钱真系非常合理！
最后仲食埋个甜品雕鱼烧，校细个炉火慢慢烤，烤到外脆内软，正呀！
每样食材都好好食，侍应仲非常好服务，竟然仲不收加一，我同朋友已经周围推介俾朋友，绝对会再嚟帮衬！希望开多ｄ分店啦～
张贴
