一輝燒味小廚茶餐廳 (已結業)

首先，马鞍山并非交通要冲，亦无特色景点，所以在整个马鞍山内的食店都只属街坊医肚型，即并无任何食店，值得区外人花时间车资到此专程光顾的。但在一山还有一山低之中，总有一两间比较似样的，若然你某日流落马鞍山，亦可以顺道一试，专程则无谓。其中一间即一辉烧味。烧味店在马鞍山中心区大大话话有8-10间，但可以堂食的只此一家。面对其他15-19一个双拼饭盒，一辉连热饮3x一碟都可以生存咗3-4年，证明佢有一定水准，不过，坦白讲，绝不能跟外面以烧味出名的老店相比。我觉得湾仔的再兴烧腊一定好过佢。咁如果再兴你都认为唔啱食，哩间你千祈咪入。油鸡、烧肉我都觉得唔错，衰在碟头较细。肉少，无得讲，通胀一句解释晒，但饭都少就真系...大只男如我，真系唔多饱。热奶茶亦有些少水准。马鞍山内系好多茶餐厅，不过大部份店铺的奶茶都比大家乐差。比较令人唔想帮衬嘅系𠮶位负责收钱的话事人。黑口黑面的婆婆级，我对街坊生意一向无咩要求，但佢真系好似每个俾钱佢嘅人都系欠咗佢咁。