California Pizza Kitchen (已結業)

同朋友食pre birthday dinner, 因为朋友好鬼中意食pizza，但又唔想只系食pizza hut果d咁普通，所以就拣左呢间食，起码d pizza 特别d。叫左呢个Milan薄饼，配料有意式肉肠，香炒磨姑同洋葱，当中用左3种芝士烤。有蒙特利芝士，莫沙华那芝士同柏尔玛芝士，所以食落都几重芝士味，pizza面再加左少少香草。系呢间餐厅既著名及经典之选。叫左几个香草野菌忌廉汤，呢个汤一碗可以分俾2个人，所以其实唔需要一人一碗，2人share一碗就ok，味道唔错，好香野菌味，汤都几浓厚，唔会似沟水。呢个系baby rip，个份量都好大份，我地7个个人每人可以分到2旧，同埋佢系新推介，menu上面都仲未有呢个菜色，肉身好软一d都唔靭，尤其系个汁味道好特别，值得推介。蒜香忌廉汁阔面，口感好好，啲虾好新鲜，啲面好弹牙，个汁好惹味，但可以试下其他款式。烤虾凯萨沙律，佢地d虾真系好弹感，沙律菜好新鲜。呢个都值得推介。