金泰燒烤

营业中

休息中

响陈仔饮完碗葛菜水，当堂醒晒，跟住与太座会合揾食。新马鞍太多人，唔想等。转嚟呢度，太座好有兴趣，谂谂吓自己又未食过，呢排又冇乜食泰国嘢，一试无妨ar...呢间人龙仅次于隔篱街小曼谷嘅小店，最耍家就系佢哋嘅烧烤。所以都系专攻呢味...烧鸡翼、鱼饼及牛肉，伴嘅沙爹汁都系同一款，特别在沙爹汁入面有颇多嘅花生粒及一D类似眉豆嘅东西，响其他铺就真系未见过。味道微甜，辣度刚好，不俗...最出名嘅烧大蚬当然要叫la...肉肥大，无乜沙，鲜甜，基本上唔需要醮上伴酱都好食....谂谂吓斋食烧烤会唔多够饱，于是再叫炒河及通菜...泰式醉猫鸡肉炒河，个名好过瘾。睇个名就知加咗酒落去炒。不过酒味不太浓，炒得颇湿，辣度够，不俗...通菜炒得唔油之余，虾酱味刚好，绝不死咸，不俗...满意的一餐...