Villa Villa (已結業)

北海道帆立贝意大利饭—黑松露忌廉汁 $138睇OpenRice见到好多人都叫呢个帆立贝意大利饭食，睇d相觉得好吸引，所以我都点左呢个饭嚟食。呢个意大利饭真系做得好好食，黑松露味好香浓，意大利饭口感好立体，最惊喜系个厚切带子，非常鲜甜，试完之后就明白点解咁多人食呢个饭。双重芝士薄饼—墨鱼汁 $8888蚊有咁大个pizza真系好超值!! 饼底非常簿脆，芝士嘅份量完全系超出我地嘅想像，钟意食芝士嘅人一定会爱上呢款pizza!! (Pizza 份量太多，我地食唔晒要打包，店员好好人，比个盒我地嘅时候仲温馨提示话: 个外卖盒系锡纸,记得唔可以放入微波炉架!我地都觉得店员真系好细心!)黄金炒薯条$68新鲜制作送到上餐枱时依然热辣辣，加上香浓嘅咸蛋味，食完一条接一条，真系停唔到口 芝麻鸡翼 $48一碟4只，每只都有满满嘅芝麻，鸡皮炸得香脆又唔油腻，可以用外脆内嫩嚟形容餐饮我点左有机咖啡，大大粒ice ball好吸晴咖啡饮落口好似蒸馏水咁滑，几特别。