浪人日本料理 (已結業)

中环食肆林立 今日就试下呢间开业两个月既浪人店内环境宽敞仲有阵阵香氛味 可能只系六点几好多打工仔未放工 所以我地成为第一台客！店内设有bar台同普通台，想睇师傅大显身手可能坐bar台。而我地想倾下计就坐卡位啦！我地好欣赏佢地会用竹帘分隔每张台以增加私隐度，而服务员都好贴心地帮我地用椅套盖住外套以免整污糟 落左单冇耐野食就到喇 未食先望到呢个五色蕃茄已经系享受！用上三色蕃茄，橙色较甜、黄色较脆、红色较香茄味。先嗒一口梅汁冻，梅子独特酸甜味使口水分泌爆发，再食埋清新蕃茄，原来系绝配！非常欣赏杂锦刺身-带子、油甘鱼、左口鱼、三文鱼子、三文鱼、吞拿鱼。个人本身好怕腥，特别系红色既鱼，真系少少唔新鲜都食得出。而呢个杂锦刺食我食得出真系好新鲜，特别个油甘鱼同三文鱼好肥美鱼油味好香，而左口鱼配上酸汁好爽口一见到两大片海胆已经流口水，入口甘香！温泉蛋好滑配上浓味高汤啫喱几得意既配搭，我建议先食左海胆因为啫喱好浓味会盖过海胆味石笼烧呢道菜几得意，师傅系将露笋挑空再酿虾肉入去炸，上菜觉得好似艺术品一样！虾肉几弹牙粉浆好薄热辣辣铁板鹿儿岛和牛 紧记要快手夹上黎唔系好易煮过龙！鹿儿岛和牛唔算好重牛味但非