西貢松記車仔麵

营业中

休息中

冇嚟松记食车仔面冇八年都有七年，咁啱入嚟西贡心郁郁就走去食！叫咗个盛惠$75嘅百宝车仔面，再加咗个$38嘅咖喱鱿鱼，以为执到宝！点知咖喱同鱿鱼之间好陌生，佢哋沟通唔到，咖喱黐唔到上鱿鱼，食落咖喱酱还咖喱酱，鱿鱼挂唔到汁，完全冇味！唔紧要，我仲有碗八宝车仔面顶住，成碗嘢颜色丰富，卤水汤充满八角嘅味道，甚至乎有个阿叔行过都闻到，仲话呢档嘢啲牛腩好香好好味！等我仲鬼死咁开心，满怀欢喜食落去，点知啲食物净系有颜色，冇味道！咖喱鱼蛋除咗颜色之外，冇咖喱味冇鱼味，卤水鸡翼卤得好靓，但系食落去淡如水！红肠猪皮，正常交易未能扭转劣势…我以前真系好钟意食呢间嘢，打死都冇谂过会落到今日咁嘅田地，比贵啲钱食一碗车仔面，只要好食系唔会有问题，但系今日喺松记食嘅呢碗完全令我觉得成名系会令到质素降低，好希望下次我再入西贡，见返松记你，你会俾到我以前同你邂逅嘅感觉！加油！